ئاژەڵێن ئاکرێ تووشی نەخوشیەکا ڤایرۆسێ بووینە

ئاژەڵێن ئاکرێ تووشی نەخوشیەکا ڤایرۆسێ بووینە

56

ئاکرێ، رەمەزان ھەرنی:

ل سنورێ قەزا ئاکرێ ڤایرۆسەک دناڤ ئاژەڵێن دەڤەرێ دا دەرکەفتیە و پەز و بزن و چێل تووش بووینە. ل گور دووڤچوونەکا رێڤەبەریا ڤێتێرنەریا ئاکرێ پرانیا ئەو ئاژەڵێن تووشی ڤایرۆسی بووین ئەون یێن ژ دەرڤە ھاتینە ڤەگوھاستن بۆ نافخۆیا کوردستانێ.

زەکەریا زبێر، ئاژەڵدارەکێ دەڤەرا ئاکرێ یە بۆ ئەڤرۆ ئاشکرا کر، دەمێ چەندین رۆژایە کۆمەکا چێلێن مە دەڤ و سم لێ کۆل بووینە و نەشێن خوارنێ بخون و ب رێکێ ڤە بچن و ل ماڵ کەفتینە و چاڤدێریا وان دکەین و مە دەرمان بۆ ئیناینە، بەلێ وەک پێدڤیی مفا لێ نەدیتیە و ھێشتا نەشیانە چۆ بخون و ڤەخون یان ب رێڤەبچن و ئەم بەردەوام چاڤدێریا وان دکەین.

د. عیماد رێڤەبەرێ ڤێتەرنەریا ئاکرێ بۆ رۆژناما ئەڤرۆ راگەھاند، ئەو نەخۆشیا ناڤ ئاژەڵێن دەڤەرا ئاکرێ سەھلدای ڤایرۆسیە و دبیتە سەدەمێ دەف کول بوون و سم کولبوون و ئاژەڵ نەشێن چ بخون و ڤەخون ب رێ ڤە بچن ئەڤ ڤایرۆسە پەز بزن و چێلان ڤەدگریت ب رێکێن ئالیک و ئاڤێ دھێتە ڤەگوھاستن ل ئاژەڵەکێ بۆ ئاژەڵەک دی.

گۆت ژی: پێدڤیە ئاژەڵدار بەریا بەڵاڤبوونا ڤایرۆسی دەرزیا بۆ ئاژەڵان دانن ھەیڤا ١١ و ھەیڤا ٣ بۆ چوار بۆ وێ چەندێ ئاژەڵ تووشی ڤی جۆرە ڤایرۆسەی نەبن، ئەگەر ئاژەڵدار ساڵانە ئاژەڵێن خۆ دەرزیا بۆ دانن چۆ مەترسی لسەر نابن و تووشی چۆ نەخوشیێن ڤایرۆسی نابن.

ئاشکراکر : پرانیا ئەو ئاژەڵێن تووشی نەخوشیا ڤایرۆسی بووین ئەو ئاژەڵن ئەوێن ژ دەرڤەی کوردستانێ ھاتیە ڤەگوھاستن بۆ نافخۆیا کوردستانێ، بەلێ ئەڤ ڤایرۆسە زۆر ب مەترسی نینە و زوو دھێتە چارەکرن، ئەڤ ڤایرۆسا ئاژەڵی چۆ مەترسی بۆ سەر مرۆڤان نینە ب تنێ ئاژەڵ تووش دبن.

کۆمێنتا تە