ئه‌و خوارنێن كو پێدڤی یه‌ ل پاشیڤێ‌ بهێنه‌ خوارن بو كێمكرنا هه‌ستا...

ئه‌و خوارنێن كو پێدڤی یه‌ ل پاشیڤێ‌ بهێنه‌ خوارن بو كێمكرنا هه‌ستا برسیبوونێ

19

ئه‌ڤرۆ:

كومه‌كا خوارنان هه‌یه‌ هه‌ڤكاریا ده‌ربازبوونا مروڤی  دده‌ت ژ هه‌ستكرن ب برسیبوون ژ رۆژیێ‌ كو د ‏گونجاینه‌ بو پاشیڤێ‌، ئه‌و خوارن ژی ئه‌ڤه‌نه‌:

  • ماست : ژ ئه‌گه‌را هه‌بوونا خه‌میره‌یێن سرۆشتی لڤاندنێن رووڤیك و قولونێ‌ رێكدئێخیت ، و هه‌روه‌سا ‏یا زه‌نگینه‌ ب كالسیوم و پروتینی كو ئه‌ڤ هه‌ردو ماده‌یه‌ هه‌وركرنا قولونێ‌ كێم دكه‌ت ژبه‌رڤێ‌ ئه‌ڤ ‏یه‌ك دانه‌كێ‌ خوارنا ساخله‌مه‌‎.‎

  • هێك : رێژه‌یه‌كا زور یا ڤیتامینێن دانێ‌ خوارنێ تێدانه‌، هه‌ر ژبه‌ر ڤێ‌ یا گونجایه‌ د پاشیڤان بهێته‌ ‏خوارن‎.‎

‎* شوفان : ماده‌ه‌یێن رووشالی تێدانه‌ و هه‌ستا برسیبوونێ‌ كێم دكه‌ت و رێژه‌یا شه‌كرێ‌ ژی د خوێنێ‌ دا ‏رادگریت‎.‎

‎*موز : یا زه‌نگینه‌ ب پوتاسیوم و یا گونجایه‌ بو خوارنا پاشیڤێ‌‎.‎

‎* سێڤ : ژئه‌گه‌را ماده‌ه‌یێن رووشالی و ڤیتامینان هه‌ستا برسیبوونێ‌ و تێهنیبوونێ‌ كێم دكه‌ت‎.‎

‎* خورمه‌ : هێزێ دده‌تن له‌شی و یا پێدڤی یه‌ بو كه‌سێ‌ ب رۆژی دبیت‎.

ل گه‌ل ڤێ‌ یه‌كێ‌ ژی كومه‌كا خوارنان هه‌نه‌ دپێدڤی نه‌ كو ل پاشیڤان خوه‌ ژێ‌ دوور بكه‌ین وه‌كو ‏خوارنا سۆر كری و شیریناهیان و خوارنێن سویر، ژبه‌ركو ئه‌ڤ خوارنه‌ هه‌ستا تێهنیبوون و برسیبوونێ‌ ل ‏ده‌ڤ مرۆڤی زێده‌ دكه‌ت‎.‎

دێ‌ چ كه‌ی داكو ل هه‌یڤا ره‌مه‌زانێ‌ تێهنی نه‌بی؟

هه‌لبه‌ت ل هه‌یڤا ره‌مه‌زانێ‌‌ خه‌لك گه‌له‌ك هه‌ست ب تێهنیبوونێ‌ دكه‌ن، پرسیار ل ڤێرێ‌‌ ئه‌ڤه‌یه‌، ئه‌م دێ‌‌ چاوان هاریكاریا له‌شێن خوه‌ كه‌ین كو ئاڤێ‌‌ ب پارێزیت و مه‌ پال ‏نه‌ده‌ت كو ئاڤێ‌‌ ڤه‌خوین یان هه‌ست ب تێهنیبوونێ‌‌ بكه‌ین.‏

هه‌ر كه‌سه‌ك ژ مه‌ شیان هه‌نه‌ هاریكاریا خوه‌ بكه‌ین كو ئاڤێ‌‌ د له‌شێ‌‌ خوه‌ دا ب پارێزین و هه‌ست ب تێهنیبوونێ‌‌ ‏نه‌كه‌ین، ئه‌وژی ب دووڤچوونا هنده‌ك رێیان داكو پتر هه‌ست ب تێهناتیێ‌‌ نه‌كه‌ین.‏

هه‌ڤالێن مه‌ یێن دژی تێهنیبوونێ‌‌:‏

‏* ئاڤ: سه‌ركێشا هه‌موو شله‌مه‌نیانه‌ و چ شله‌مه‌نیێن دیتر جهێ‌‌ ئاڤێ‌‌ ناگرن، شاره‌زا شیره‌تان ل مه‌ دكه‌ن كو ‏رۆژانه‌ دو لیترێن ئاڤێ‌‌ ڤه‌خوین و ب تایبه‌ت هه‌كه‌ گه‌له‌ك خوهدان ل له‌شێ‌‌ مه‌دا په‌یداببیت، باشتره‌ ل ده‌مێ‌‌ ‏سه‌ره‌ده‌ریێ‌‌ دگه‌ل ئاڤێ‌‌ دكه‌ین ب ڤی ره‌نگی بیت:‏

– نابیت ب چ ره‌نگه‌كی تو بوتلێ‌‌ ئاڤێ‌‌ ڤه‌كری بهێلی بۆ ده‌مه‌كێ‌‌ درێژ، ژبه‌ركو ئه‌و به‌كتریایێن دناڤ ده‌ڤێ‌‌ مه‌ و ‏ده‌وروبه‌رێن مه‌ ره‌نگه‌ دناڤدا چالاك ببن و ببنه‌ ژێده‌رێ‌‌ نه‌خۆشیان.‏

– هه‌كه‌ ته‌ڤیا دوباره‌ ئاڤێ‌ بكه‌یه‌ بوتلی، باشتره‌ قه‌پاغێ‌‌ وی و ده‌وروبه‌رێن قه‌باغی باش ب ئاڤا گه‌رم و سابوونێ‌‌ ‏بشووی.‏

– تو دشێی هنده‌ك تشتا ل سه‌ر هه‌ر كوپه‌كێ‌‌ ئاڤا تو ڤه‌دخووی زێده‌بكه‌ی، وه‌كو نیموكا و نه‌عنایێ‌‌ و زه‌نجه‌بیلێ‌.‏

– ژبۆ خوه‌ قورتالكرنێ‌‌ ژ تاما كلۆری، باشتره‌ ئاڤێ‌‌ بدانیه‌ دناڤ ئامانه‌كێ‌‌ به‌رفره‌ه دا بۆ ده‌مێ‌‌ ده‌مژمێره‌كێ‌‌ بهێله‌ ‏به‌ری ڤه‌خووی.‏

‏* شله‌مه‌نی ب هه‌موو ره‌نگێن خوه‌ ڤه‌، ب تایبه‌ت ڤه‌خوارنێن وه‌كو خوشاڤا و شه‌ربه‌تا فێقیێ‌‌ سروشتی كو خوێ‌‌ ‏دناڤدا هه‌یه‌ دروسته‌ تو ب كاربینی، شیره‌تان خۆ دوور بكه‌ن ژ شه‌ربه‌تێن ده‌ستكرد، ژبه‌ركو گه‌له‌ك شه‌كر دناڤدا هه‌یه‌ و زیانێن مه‌زن دگه‌هینن ساخله‌میا مرۆڤی و هه‌ستداریێ‌‌ ‏په‌یدادكه‌ن.‏

* زه‌رزه‌وات و فێقیێ‌‌ گه‌هشتی:دێ‌ گه‌له‌ك باش بیت ب شه‌ڤێ‌‌ و ل ده‌مێ‌‌ پاشیڤێ‌‌ تو فێقی و زه‌رزه‌واتی بخووی، ‏ژبه‌ركو گه‌له‌ك ئاڤ دناڤدا هه‌یه‌ و بۆ ده‌مه‌كێ‌ درێژ ئه‌و ئاڤ دناڤ رووڤیكان دا دمینیت و مرۆڤ هه‌ست ب برسیبوون ‏و تێهناتییێ‌ ناكه‌ت.‏

* گیروكرنا پاشیڤێ‌: باشتره‌ پاشیڤ ل وه‌ختێ‌ خوه‌ بهێته‌ خوارن كو ژ نیڤ شه‌ڤ پێدابیت، داكو رۆژیگر بشێت ‏به‌رهنگاریا تێهنیبوونێ‌‌ بكه‌ت و ب تایبه‌ت ل رۆژێن ئێكه‌م یێن رۆژیگرتنێ‌‌ و هندی خوارنا پاشیڤێ‌‌ سڤكتر بیت ‏هه‌لبه‌ت باشتره‌.‏

کۆمێنتا تە