ئه‌ڤرۆ زاخۆ دێ‌ دو یاریان ئه‌نجام ده‌ت

ئه‌ڤرۆ زاخۆ دێ‌ دو یاریان ئه‌نجام ده‌ت

2

زاخۆ،عه‌لی حاجی:

تیما باسكت بۆلا یانا زاخۆ ب ژڤانه‌ ئه‌ڤرۆ دو یاریان ژ چارچووڤێ‌ هه‌ڤڕكیێن خولا نایابا عیَِراقێ‌ ل سه‌ر ئاستێ‌ پێشكه‌فتی و لاوان هه‌مبه‌ری ل باژێرێ‌ حلله‌ ئه‌نجامبده‌ت ده‌مێ‌ دبیته‌ مێڤانا یانا حلله‌ بۆ هه‌ردو تیمێن وان.

ل دور به‌رهه‌ڤیێن تیما لاوان د داخویانیه‌كێدا مه‌روان عه‌بدولجه‌بار راهێنه‌رێ‌ یانا زاخۆ بۆ رۆژناما ئه‌ڤرۆ دیاركر یاریا ئه‌ڤرۆ دبیته‌ ده‌ستپێكا هه‌ڤڕكیان د خولا نایابا عێراقێ‌ دا و ژ ده‌رڤه‌یی یاریگه‌ها خوه‌ له‌ورا دێ‌ ب زه‌حمه‌ت بیت ژبه‌ر كو پێزانین لسه‌ر یانێن پشكدار كێمه‌ و یاریا ئێكێ‌ هه‌موو پێشبینی دهێنه‌كرن، لێ‌ مه‌ به‌رهه‌ڤیێن باش كرینه‌ و پشكداریا مه‌ بۆ هه‌ڤڕكیێ‌ بیت و لاوێن زاخۆ رژدن بۆ بده‌ستڤه‌ئینانا سه‌ركه‌فتنێ‌ و باوه‌ری ب شیانێن یاریزانان هه‌یه‌.

هه‌روه‌سا ناڤهاتی دیاركر كو یاریا دویێ‌ دێ‌ ل باژێرێ‌ نه‌جه‌ف هه‌مبه‌ری ته‌زامن بیت له‌ورا دڤێت ب پلان بۆ یاریا ئێكێ‌ بكه‌ین و بشێن یا دویێ‌ ژی به‌رهه‌ڤبین بۆ سه‌ركه‌فتنێ‌، گه‌شبینم بده‌ستڤه‌ئینانا ئه‌نجامێن باش تایبه‌ت هه‌بوونا پشته‌ڤانیێ‌ ژلایێ‌ كارگێریا یانێ‌ كو پالده‌ره‌ بۆ هه‌ڤڕكیا خولێ‌ و یا گرنگتر یاریزان بكه‌ڤیته‌ د سه‌قایێ‌ یاریێن مه‌زن دا.

کۆمێنتا تە