ئۆسمان جەمیل: دڤێت مرۆڤ خازۆکیێ بکەت ھەتا کەنالەک کلیپەکێ بۆمە چێکەت

ئۆسمان جەمیل: دڤێت مرۆڤ خازۆکیێ بکەت ھەتا کەنالەک کلیپەکێ بۆمە چێکەت

54

ئەڤرۆ، شاکر ئەتروشی:

سترانبێژێ دووری وەلات (ئۆسمان جەمیل) کو ئەڤە ژ سالا ١٩٩٥ وەرە ل وەلاتێ ئەلمانیا دژیت، د دیدارەکێ دا بۆ رۆژناما ئەڤرۆ دیارکر وی سترانەکا نوو بۆ نەورۆزێ تۆمارکریە، لێ ھەتا نوکە نەھاتیە کلیپکرن و ئەگەرێن نە کلیپکرنا وێ ئەوە چێکرنا کلیپان ل دەرڤەی وەلاتی مەزاختیەکا زۆر پێ دڤێت و کەس نینە پارێ وێ بدەت و بۆ سترانبێژی ب خوە ژی ئەو چەندە یا ب زەحمەتە.

ناڤھاتی گۆت: ھەر چەندە ئەز ژ ھونەری دوور نەکەفتیمە و بەردەوام سترانێن نوو بەلاڤ دکەم، لێ ئەو بەلاڤکرن پتر وەک دەنگە و پتریا سترانێن خوە ئەز بۆ رادیۆیا دھۆک دھنێرم و دھێتە بەلاڤکرن و ئەز حەزدکەم ئەو ستران بھێنە وێنەکرن و کلیپکرن، لێ ئەو یا ب زەحمەتە و گەلەک جاران ئەم چووینە کەنالێن تەلەفزیۆنی دا بۆمە کلیپان چێکەن لێ ئەو د بەرھەڤ نەبووینە ب بھانا ھندێ کو پارە نینن، ئانکو دڤێت مرۆڤ بچیتە کەنالەکی و خازۆکیێ بکەت کا دێ کلیپەکێ بۆ مرۆڤی چێکەن یانژی نە.

ناڤھاتی گۆت: نوکە من ھژمارەکا سترانێن تۆمارکری، ھەروەسا یێن نە تۆمارکری ھەنە، لێ وەکو مە گۆتی سپۆنسەر و پشتەڤانی دکێمن و ژیان ژ دەرڤەی وەلاتی یا ب زەحمەت و دڤێت سترانبێژ ب دەھان کێماسیان ل مالا خوە بھێلیت ھەتا دشێت ھندەک پارەی دانتە رەخەکی و سترانەکێ پێ کلیپ بکەت.

ئۆسمان جەمیل  ل سالا  ١٩٩٣ ئەلبۆما خوە یا ئێکێ ب ناڤیًَ(نەشێم ژتە دوور ببم) بەلاڤکریە، ئەو ئەلبۆم ژ دوازدە سترانان پێک دھات و پتریا پەیڤ و ئاوازان یێن وی ب خوە بوون.

کۆمێنتا تە