ئیرانێ دڤێت په‌یوه‌ندیێن خوه‌ ل گه‌ل سعوودیێ باشتر لێ بكه‌ت

ئیرانێ دڤێت په‌یوه‌ندیێن خوه‌ ل گه‌ل سعوودیێ باشتر لێ بكه‌ت

ئه‌ڤرۆ:

په‌یڤدارێ وه‌زاره‌تا ده‌رڤه‌ یا ئیرانێ راگه‌هاند كو به‌ری چه‌ند رۆژان شاندێ ئیرانێ ل گه‌ل شانده‌كێ سعوودیێ كۆمبوویه‌ و كۆمبوون ب ره‌نگه‌كێ ئه‌رێنی برێڤه‌ چوویه‌ لێ ئه‌و یه‌ك د ئاستێ داخوازیێن هه‌ر دو وه‌لاتان دا نینه‌، چونكو دڤێت په‌یوه‌ندیێن هه‌ر دو وه‌لاتان ئاسایی ببن و باشتر لێ بهێن.

چاڤدێرێن سیاسی ژی دیار دكه‌ن كو سعوودیێ دڤێت په‌یوه‌ندیێن خوه‌ ل گه‌ل ئیرانێ باش بكه‌ت لێ به‌ری نها سعوودیێ مه‌رجێن خوه‌ بۆ ئیرانێ دیار كرینه‌ كو تێدا داخواز ژ ئیرانێ كریه‌ ده‌ستێوه‌ردانێ د كاروبارێن وه‌لاتێن عه‌ره‌بی دا نه‌كه‌ت، ده‌ستان ژ پشته‌ڤانیكرنا حوسیان به‌رده‌ت و نه‌بیته‌ ئه‌گه‌رێ ئالۆزیان ل ده‌ڤه‌رێ، لێ ئیرانێ ب كریاری به‌رسڤا سعوودیێ نه‌دایه‌ و ژ به‌ر هندێ ژی هه‌تا نها ب كریاری په‌یوه‌ندیێن سعوودیێ و ئیرانێ ئالۆزن و چو پێنگاڤێن به‌رچاڤ نه‌هاتینه‌ هاڤێتن.

ئه‌و یه‌ك د ده‌مه‌كێ دایه‌ كو حه‌فتیا بۆری حه‌سه‌ن رۆحانی سه‌رۆك كۆمارێ ئیرانێ راگه‌هاند هه‌كه‌ مه‌ بڤێت ره‌وشا ئابووری یا وه‌لاتێ خوه‌ باش بكه‌ین و پرسێن هه‌ی چاره‌سه‌ر بكه‌ین دڤێت ئه‌م په‌یوه‌ندیێن خوه‌ ل گه‌ل هه‌موو وه‌لاتێن جیهانێ باش بكه‌ین، لێ مخابن هنده‌ك به‌رپرس ل ئیرانێ ئاسته‌نگیان ل هه‌مبه‌ر كارێ حوكمه‌تێ دروست دكه‌ن و ژ به‌ر هندێ ژی ناهێلن حوكمه‌ت ب ئه‌ركێ خوه‌ رابیت، چونكو هه‌تا په‌یوه‌ندیێن مه‌ ل گه‌ل وه‌لاتێن ده‌ڤه‌رێ باشتر لێ نه‌هێت ره‌وشا ئابووری ژی باش نابیت.

کۆمێنتا تە