ئێش و ئازارێن ملله‌تێ‌ خوه‌ ب رێیا گۆتنا سترانان دیار دكه‌ت

ئێش و ئازارێن ملله‌تێ‌ خوه‌ ب رێیا گۆتنا سترانان دیار دكه‌ت

5

ئه‌ڤرۆ، هه‌رهین محه‌مه‌د:

هونه‌رمه‌ندێ‌ گه‌نج ئه‌لند هوزان دیداره‌كێ‌ دا بۆ به‌رپه‌رێ‌ هونه‌ری یێ‌ رۆژناما ‌وه‌ڤرۆ گۆت: ستران ناسناما ملله‌تانه‌ و ئه‌ز ژی زارڤه‌كرنا وێ‌ ناسنامێ‌ دكه‌م ل گوره‌ی ده‌نگێ‌ خوه‌ و دووڤ پێ‌ چێبوونا خوه‌ ب وی ئه‌ركی رادبم و ستران رۆحا من كه‌یف خوه‌ش دكه‌ت و وه‌كو خوارنه‌كێ‌ یه‌ بۆ من و ئه‌ز ب رێیا ژه‌نینا مۆزیكێ‌ و گۆتنا سترانان ئێش و ئازارێن ملله‌تێ‌ خوه‌ دیاركه‌م، ئانكو ئه‌ز په‌یاما خوه‌ ب سترانێ‌ دگه‌هینم و ستران وی ده‌می یا خوه‌شه‌ ده‌مێ‌ خه‌مێن مرۆڤی زێده‌بن، یان وه‌لاتێ‌ مرۆڤی بن ده‌ست بیت و دچه‌رخێ‌ بیست و ئێكێ‌ دا ئه‌م هێشتا ئازاد نه‌بووینه‌ و نه‌بووینه‌ ده‌وله‌ت، به‌لێ‌ ستران بۆ من هه‌موو ده‌مان یا خوه‌شه‌، ژ به‌ر كو ل گه‌ل خوینا من تێكه‌ل بوویه‌.

ناڤبری ل دۆر نوترین كارێن خوه‌ یێن هونه‌ری گۆت: دڤێ‌ هه‌یڤێ‌ دا من سترانه‌ك ل سه‌ر چارشه‌مبیا سور به‌لاڤكرب ناڤێ‌ (ئولا ره‌سه‌ن) كو ژپه‌یڤێن ره‌شو عیشان و ئاواز یا وی بخوه‌ بوو و بنگه‌هێ‌ لالش ب كارێ‌ كلیپكرنا ڤێ‌ كلیپێ‌ رابوویه‌ و دیسان سترانه‌كا دی ژی ژ فلكلۆرێ‌ ده‌ڤه‌را شه‌رنه‌خێ‌ یه‌ من و یه‌لماز ئایه‌م پێكڤه‌ گۆتیه‌ و مه‌ كلیپ كریه‌ و ژڤانه‌ ل ده‌مه‌كێ‌ نێزیك به‌لاڤ بیت.

ئه‌لندی گۆت: هونه‌ر وه‌كو بهاره‌كێ‌ یه‌ و سترانبێژ ژی وه‌كو باخچێ‌ گولایه‌ دناڤ وێ‌ بهارێ‌ دا و هه‌رئێك ژی ب ره‌نگه‌كی یه‌ و هه‌رسترانبێژه‌كی ده‌نگه‌گ و تام و له‌زه‌تا خوه‌ هه‌یه‌ ئه‌ڤێن ئه‌ز دنیاسم و نه‌نیاسم و من دیتی و نه‌دیتی حه‌ز ژ هه‌میان دكه‌م، ژبه‌ركو ئه‌م هه‌موو خزمه‌ته‌كێ‌ بۆ چاند و كه‌لتورێ خوه‌ دكه‌ین و یا كو ژده‌ستێ‌ من هاتی و یا دسه‌رێ‌ من دا من كێماسی نه‌كریه‌ و دبیت ژ لایێ‌ ئابووری ڤه‌ مرۆڤێ‌ پێ‌ چێنه‌بیت په‌یاما خوه‌ ب گه‌هینت و ل گوره‌ی پێ‌ چێبوونا من یا ژده‌ستێن من دهێت ئه‌ز كێماسیێ‌ ناكه‌م.

د لایه‌كێ‌ دی دا گۆت: هه‌تا نوكه‌ من خێزان پێك نه‌ئینایه‌ و ئه‌ز خه‌لكێ‌ باشوورێ‌ كوردستانێ‌ مه‌ و ناڤێ‌ گوندێ‌ من بیرێ‌ یه‌ و باكورو باشو دگه‌هینته‌ ئێك و نه‌شێم ژیێ‌ خوه‌ دیاركه‌م، به‌لێ‌ د دلێ‌ خوه‌ دا چارده‌ سالی مه‌ و ده‌مێ‌ ئه‌ز پلانه‌كێ‌ دانم ئارمانجا من شوره‌شه‌كا مه‌ژیه‌ و گه‌له‌ك سه‌ر هندێ‌ راوه‌ستیایمه‌ و وه‌كو خزمه‌ته‌كه‌ و ئه‌رشیفه‌كی چێدكه‌م ژبۆ كه‌لتۆر و چاندا كوردی.

 

کۆمێنتا تە