ئەڤ پێلاڤە ب ٦٤٠٠ دولارانە

ئەڤ پێلاڤە ب ٦٤٠٠ دولارانە

129

دھۆک، حەمزە رەزیکی:
ل پیشانگەھا بای شوو یا پێلاڤێن ژن و زەلامان ل دھۆکێ ئەوا دکەڤیتە دناڤ مازی پلاس لاند دا، پێلاڤێن زەلامان ھەتا ٦٤٠٠ دولاران ژی دھێنە فرۆتن و خودانێ پێشانگەھێ دیاردکەت کو ھەتا نوکە شەش کەسان ئەو پێلاڤ کرینە.
ھەڤند زوبێر، خودانێ پێشانگەھا بای شوو دیارکر گرانترین پێلاڤ ل پێشانگەھا وان جورەکێ پێلاڤایە کو ل دووڤ داخازیا بکران دگەھیتە دھۆکێ و گۆت: ئەو پێلاڤ ژی سێ جور ھەنە، ھندەک ژێ ب ١٦٠٠ دولاران و جورەک ژی ب ٣٢٠٠ دولاران و ئێک ژی ب ٦٤٠٠ دولاران دھێتە فرۆتن.
دیارکر ژی کو ئەو جورێ پێلاڤا ژ چەرمێ ماری ھاتیە درۆستکرن و گۆت: گرانیا وێ ژبەر ھندێ یە کو ھەر پشکەکا وێ ژ چەرمەکێ جودا ھاتیە چێکرن، و ب دەستی کار تێدا دھێتە کرن.
ھەڤند دیارکر ژی ئەو کەسێ وان جورێ پێلاڤان دکریت دێ داخازا قەوارەی ژ وان کەت و ل دووڤ داخوازیا وان دێ گەھیت و چار رەنگ ژی ھەنە و گۆت: بکری چو ماف نینن ب تنێ ئەم ٥ سالا گرەنتیێ ددەینێ و د وان پێنج سالان دا ھەکە وی ب دەستی چ زیان نەگەھاتبنێ دێ بۆ ھێتە سەخبێرکرن.
ل دووماھیێ ژی دیارکر کو ل دھۆکێ شەش کەسان ئەڤ پێلاڤە یا کری.

10476231_944346502247112_1425529971_n [800x600]

10707781_944346448913784_752371797_o [800x600]

کۆمێنتا تە