باخچه‌لی: ئه‌ركێ سه‌ره‌كی یێ ده‌وله‌تا توركیا داخستنا هه‌ده‌پێ یه‌

باخچه‌لی: ئه‌ركێ سه‌ره‌كی یێ ده‌وله‌تا توركیا داخستنا هه‌ده‌پێ یه‌

12

ده‌وله‌ت باخچه‌لی سه‌رۆكێ پارتا بزاڤا نه‌ته‌وه‌په‌رست یا توركیا راگه‌هاند كو ئێدی ده‌م یێ هاتی هه‌ده‌په‌ بهێته‌ داخستن و نها ئه‌ركێ سه‌ره‌كی یێ ده‌وله‌تێ و سازیێن وێ ئه‌وه‌ كو فه‌رمانا داخستنا هه‌ده‌پێ بده‌ن، چونكو هه‌ده‌په‌ ب ته‌مامی ل دژی به‌رژه‌وه‌ندیێن توركیا كار دكه‌ت و بوویه‌ پشكه‌ك ژ رێكخراوا تیرۆرستی یا په‌كه‌كێ، ژ به‌ر هندێ ژی گرنگه‌ نها هه‌ده‌په‌ بهێته‌ داخستن و دڤێت دادگه‌ها بلند یا توركیا د زووترین ده‌م دا بریارا داخستنا هه‌ده‌پێ بده‌ت.

باخچه‌لی ئه‌و یه‌ك ژی دیار كر كو به‌ری نها وان چه‌ندین جاران داخوازا داخستنا هه‌ده‌پێ كرینه‌ لێ دادگه‌ها توركیا بریارا خوه‌ نه‌دایه‌، نها چو به‌هانه‌ ل هه‌مبه‌ر دادگه‌هێ نه‌ماینه‌ و دڤێت دادگه‌ه بریارا خوه‌ بده‌ت و هه‌ده‌په‌ بهێته‌ داخستن و گۆت: (دڤێت رێ نه‌هێته‌ دان كو كه‌سێن نها د ناڤ هه‌ده‌پێ دا ده‌ست ب ئاڤاكرنا پارته‌كا دی یا سیاسی بكه‌ن، دڤێت كارێ سیاسی ل وان كه‌سان بهێته‌ قه‌ده‌غه‌كرن، چونكو هه‌ده‌پێ گه‌له‌ك زیان گه‌هاندینه‌ توركیا و ب داخستنا هه‌ده‌پێ دێ گه‌له‌ك ئاریشه‌ هێنه‌ چاره‌سه‌ركرن، ژ به‌ر هندێ ژی ئه‌ز جاره‌كا دی داخواز ژ دادگه‌ها بلند یا توركیا دكه‌م كو ب فه‌رمی بریارا داخستنا هه‌ده‌پێ بده‌ت، چونكو گه‌له‌ك به‌لگه‌ ل دۆر كریارێن هه‌ده‌پێ ل به‌ر ده‌ستێ دادگه‌هێ هه‌نه‌).

کۆمێنتا تە