بڕیارا قەدەغەکرنا یاریا پۆبجی ل عیراقێ نەھاتیە بجھئینان

بڕیارا قەدەغەکرنا یاریا پۆبجی ل عیراقێ نەھاتیە بجھئینان

ئەڤرۆ نیۆز، ئەمیر ئەترووشی

ئەندامەکێ جڤاتا نوونەرێن عیراقێ راگەھاند، ھەتا نوکە ب چو رەنگان بریارا ‏پەرلەمانێ عیراقێ یا قەدەغەکرنا یاریا پۆبجی و دوو یاریێن دی ژلایێ حکوومەتا ‏عیراقێ ڤە نەھاتیە بجھئینان و سێ ئاستەنگ ھاتینە پێش.‏

د. دیار بەرواری، ئەندامێ جڤاتا نوونەرێن عیراقێ تایبەت بۆ ئەڤرۆ دیار کر، ‏پەرلەمانێ عیراقێ بریارا قەدەغەکرنا یاریا پۆبجی و دوو یاریێن دی ل عیراقێ ‏دەرخستیە، بەلێ حکوومەتا عیراقێ بجھنەئینایە، چونکو بریار و یاسایێن پەرلەمانی ‏ل سەر حکوومەتێ د سەپاندی نینن، بەلکو حکوومەت ھزرا خوە د بجھئینانا بریارێ ‏دا دکەت و ژ نوو بجھدئینیت.‏

ل دۆر ئەگەرێن نەبجھئینانا وێ بریارێ د. دیار ئاشکرا کر کو سێ ئەگەر ھەنە ‏حکوومەتا عیراقێ ھەتا نوکە ئەو بریارە بجھنەئینایە، ژ وان ژی حکوومەت ھزر دکەت ‏کرنا یاریا بابەتەکێ تاکەکەسی یە و ھەر کەسەک یێ ئازادە چ یاری بکەت، ھەروەسا ‏پێدڤیە کۆمپانیێن ئەنترنێتێ سانسوورەکی بدانن ب ھەڤبندی ل گەل حکوومەتێ.‏

بەرواری ئاشکرا ژی کر کو رەوشەنبیر و چالاکڤانێن جڤاکێ مەدەنی ژی ل عیراقێ ل ‏دور ڤێ بریارێ ھاتبوونە دەنگ و نەرازیبوونا خوە ل دۆر بجھئینانا بریاری دەربرینە، ‏رەنگە ئەڤە ژی ئێک ژ ئەگەران بیت ھەتا نوکە حکوومەتا عیراقێ بریار بجھنەئینایە.‏

بشار کیکی، ئەندامێ لیژنا قەدەغەکرنا یاریا پۆبجی ل پەرلەمانێ عیراقێ بۆ ‏ئەڤرۆنیۆز دیار کر، بریار نھا ل دەڤ حکوومەتا عیراقێ مایە و بجھنەئینایە و رەنگە د ‏وەرزێ داھاتی یێ پەرلەمانی دا ئەم وەزارەتا ڤەگوھاستنێ داخواز بکەینە پەرلەمانی ‏ل دۆر نەبجھئینانا بریارا قەدەغەکرنا یاریا پۆبجی.‏

کۆمێنتا تە