بۆ دێمەکێ ڤه‌كرى

بۆ دێمەکێ ڤه‌كرى

197

تو مفایێن شتی بۆ دێمی دزانی؟ شتی دەولەمەندترین فێقیە ب ئاڤێ و تڕشاتیێن سروشتی کو پاقژکەرەکێ سروشتیە بۆ پیستی، زێدەباری دەولەمەندبوونا شتی ب ڤیتامینان کو دھاریکارن بۆ بەشوشی و زەلالیا دێمی و سەروسیمایەکێ سەرنجراکێشتر ددەتە مرۆڤی.
ماسکا شتی بۆ پاقژکرنا دێمی:
پرتەکا شتی + کەچکەکێ گلسرین (کریمەکە ل جھێن فرۆتنا جوانکاریان دھێتە فرۆتن). دێ شتی کەیە د تێکەلۆکێ دا و گلسرینی بەردەیە سەر و دێ ب پارچەکا پاتەی ڤاڤێری، پاشی دێ پارچەکا پامبی ب وی تێکەلەی تەڕ کەی و دێ پیستێ خوە پێ ڤەمالی بۆ دەمێ ١٠ دەقیقان و پاشی دێ ب ئاڤەکا تێنشیر شۆی. ھەر رۆژ ڤی کاری بکە و دێ بینی چەوا دێمێ تە پاقژ و زەلال بوو.
ماسکا شتی بۆ تیڤلکرنا پیستی:
کۆپەکێ ئاڤا شتی + کەچکەکێ بندەقا ھێرای، ھەردویان دێ تێکھەل کەی و دێ ل سەر پیستێ خوە بەلاڤکەی بۆ دەمێ ٢٠ دەقیقان و پاشی دێ ب ئاڤا تێنشیر شۆی، ئەڤە پیستی توند دکەت و ژ قورمچینێ قورتال دکەت.
ماسکا شتی بۆ نەھێلانا پرسکێن سەروچاڤان:
کەچکەکێ نیڤشکی + کۆپەکێ شتی، ھەردویان باش تێکھەل بکە، وی تێکھەلەی دانە سەر پیستێ خوە بۆ دەمێ ١٠ دەقیقان و پاشی ب ئاڤا تێنشیر بشۆ. تڕشاتیێ “لینیک” د نیڤشکی دا ھەیە و پیستی ژ پرسکان قورتال دکەت.
ماسکا شتی و مۆزێ بۆ پیستێ ھشک:
پرتەکا شتی + پرتەکا مۆزێ، ھەردویان باش تێکھەل بکە و دانە سەر دێمێ خوە و ستووی بۆ دەمێ ١٥ دەقیقان و پاشی ب ئاڤا تێنشیر بشۆ. ئەڤە پیستێ ھشک تەڕ و نەرم دکەت.

کۆمێنتا تە