بۆ سپیکرنا ددانان ئەڤان رێیان بکار بینە

بۆ سپیکرنا ددانان ئەڤان رێیان بکار بینە

1056

 

ئەڤرۆ نیوز:

 

رۆژانە ددانێن خوە ب پارچه‌كا پەمبی یێ ته‌ركری ب شه‌ربه‌تا نیموكان و خوێ‌ پاقژ بكه‌، هه‌تا زه‌ربوون نه‌مینیت، مه‌عجینێ‌ بیاكربوناتێن سودا ل گه‌ل ئاڤێ‌ ب رەنگەكێ‌ رێكخستی ب كاربینه‌ بۆ نه‌هێلانا پنیێن ب سه‌ر ددانان ڤه‌.

 

گه‌له‌ك ژ خه‌لكی ئاریشا زه‌ربوونا ددانان هه‌یه‌، هەروەسا هنده‌ك جۆرێن ددان ژ هنده‌كان زه‌رترن، ژبه‌ر گه‌له‌ك ئه‌گه‌ران، ژوان ژی:

 

زه‌ربوونا ب سه‌ر ڤه‌:
ژ ئه‌گه‌رێ‌ كێشانا جگاران یان گه‌له‌ك ڤه‌خوارنا قه‌هوێ‌ یان چایێ‌ و هنده‌ك خوارنێن كو هاریكاریێ‌ د ره‌نگكرنا ددانان دا دكه‌ن وه‌كو تییا و دیسان كومڤه‌بوونا كه‌رستێ‌ كالسیومی ل دورماندوری ددانی كو دبێژنێ‌ گویرهه‌ په‌یدا دبیت.

 

زهر‌بوونا ژ ناڤدا:
ژ ئه‌گه‌رێ‌ مه‌زنبوونا مرۆڤی یان هنده‌ك روودانان و ب كارئینانا زێده‌ یا فلورایدی یان ژ ئه‌نجامێ‌ هنده‌ك نه‌ساخیان و وه‌رگرتنا دژه‌ زینده‌وه‌ران وه‌كو تتراسایكلین په‌یدا دبن.
رێكێن چاره‌سه‌ریێ‌:
تۆ دشێی سه‌ره‌دانا نۆشداره‌كێ‌ تایبه‌تمه‌ندێ‌ ددانان بكه‌ی بۆ دیتنا چاره‌سه‌ریێن ڤه‌بر و ب له‌ز وه‌كو سپیكرنا ددانان یان تو دشێی ل مال ڤان رێیان ب كاربینی:

 

. ب كارئینانا مه‌عجینێ‌ بیكاربوناتێن سودا ل گه‌ل ئاڤێ‌ ب شێوه‌‌كێ‌ رێكخستی بۆ نه‌هێلانا پنیێن زه‌ر ل سه‌ر ددانان.
. پاقژكرنا ددانان رۆژانە دو جاران ب مه‌عجینه‌كێ‌ سپیكرنێ‌.
. رۆژانە ددانێن خوە ب پارچه‌‌كا پەمبی یا ته‌ركری ب شه‌ربه‌تا نیموكان و خوێ‌‌ پاقژ بكه‌ هه‌تا ب ئێكجاری زه‌راتی نه‌مینیت.

 

. شووشتنا ددانان ب ئاڤێ‌ پشتی هه‌ر ڤه‌خوارنه‌كا كو ره‌نگی دده‌ته‌ ددانان و دبیته‌ ئه‌گه‌رێ‌ زه‌ربوونا وان.

کۆمێنتا تە