بەرھەمێن بەرێ پتر جەماوەرێ خوە ھەبوو

بەرھەمێن بەرێ پتر جەماوەرێ خوە ھەبوو

12

ئەڤرۆ، رەمەزان:

سترابێژ محەمەد زۆرەگڤانی، د دیدارەکێ دا بۆ رۆژناما ئەڤرۆ گۆت:  ستران و ئەلبۆمێن بەری نوکە دھاتنە بەلاڤکرن پتر پیشوازی لێ دھاتە کرن، ئانکو بەرێ ستران و سترانبێژان پتر قەدر و بھایێ خوە ھەبوو سەرەرای ئاستەنگ و نەبوونا تەکنەلۆژیایێ بەرھەمێن بەرێ پتر جەماوەر ھەبوو، بەری نوکە من کومەکا سترانێن خوە یێن کەڤن نوو کرنەڤە بۆ چەند مەبەستەکا ل سەر داخوازیا جەماوەری و بەرێ ستودیۆ وەک نوکە پێشکەفتی نەبوون و د ھەماندەمدا وەک وەفایەک من سترانێن خوە نوو کرنەڤە.

ناڤھاتی گۆت: من پلان ھەیە بەرھەمەکێ مەوال و لاوک ژ گەنجینەیا ھونەرمەندان سەعید گابای و ئەردەوان زاخۆیی و شەوقی نافخۆش تۆماربکەم، ژبەرکو زۆر داخبارم ب دەنگێ وان ھەرسێ ھونەرمەندێن وەغەرکری.

ل دووماھیێ گۆت: مخابن راگەھاندنا کوردی بتنێ گرنگیێ ب ھندەک ھونەرمەندان ددەت پرانیا ھونەرمەندێن خودان شیان ھاتینە پشت گوھـ ھاڤێتن, ژبەر رێک و پێکیا پەیڤا ھەتا نوکە ل چو بەرھەمەکێ خوە پەشیمان نیمە، ھەروەسا ھەتا نوکە من سترانا خەمگین نەگۆتیە، کارێ نوو نوکە مژوولی سترانەکێ مە ژ یەیڤ و ئاوازێن سەمیر نزاری یە، ھەتا نوکە من سێ بەرھەم ھەنە و سترانێن سنگل ٣٢ ستران و شەش ڤیدیۆ کلیپ.

کۆمێنتا تە