ب ئارمانجا ده‌ربازبوونێ‌ دهۆكێ‌ ده‌ست ب كاروانێ‌ خولێ‌ كه‌ت

ب ئارمانجا ده‌ربازبوونێ‌ دهۆكێ‌ ده‌ست ب كاروانێ‌ خولێ‌ كه‌ت

0

ئه‌ڤرۆ

پشتی دووركه‌فتنێ‌ بۆ ماوێ‌ پێنچ سالان ئه‌ڤرۆ ل ده‌مژمێر 10ی شه‌ڤ تیما ته‌پا پێ‌ یا یانا دهۆك دێ‌ پێنگاڤا خوه‌ یا ئێكێ‌ به‌ره‌ ب ئارمانجا خوه‌ هاڤێژیت ده‌مێ‌ مێڤانداریا یانا پێشمه‌رگا سلێمانی ژ چارچووڤێ‌ كۆما دویێ‌ یا هه‌ڤڕكیێن گه‌ڕا ئێكێ‌ یا خولا پلا ئێكا عیراقێ‌ ده‌ربازبوون بۆ پلا نایاب ل یاریگه‌ها سه‌ره‌كی ئه‌نجامده‌ت، ئه‌وا 28 یانه‌ پشكدارن و هاتینه‌ به‌لاڤكرن لسه‌ر دو كۆمان یاریێن وان دێ‌ ب شێوێ‌ خول ئێك قۆناغ هێنه‌كرن، قاره‌مانێ‌ كۆمه‌كا ئێكێ‌ ئێكسه‌ر ده‌ربازبیته‌ پلا نایاب و باشترین خودانا رێزا دویێ‌ دێ‌ یاریه‌كا ڤه‌بڕ هه‌مبه‌ر تیما رێزا 18ێ‌ یا پلا نایاب كه‌ت ژبۆ مسوگه‌ركرنا پلێتا سێیێ‌، ژ هه‌رێما كوردستانێ‌ پێنچ یانه‌ پشكدارن ئه‌وژی، دهۆك، پێشمه‌رگا سلێمانی، گازا باكور، برایه‌تی و نه‌وروز.

لدور به‌رهه‌ڤیێن یانا دهۆكێ‌ راهێنه‌رێ‌ وێ‌ عادل ناسر بۆ رۆژناما ئه‌ڤرۆ گوت: هیڤیێن مه‌ د مه‌زن و رژدین بۆ ئارمانجا ده‌ربازبوونێ‌ ژبه‌ركو ئه‌ز ئێكگرتنا كارگێریا یانێ‌ و یاریزانا و كادرێ‌ راهێنانێ‌ دبینم كو بهیڤی مه‌ بیته‌ خالا سه‌ره‌كی یا سه‌ركه‌فتنان، ئه‌ركێ‌ مه‌ بزه‌حمه‌ته‌ و پرانیا یانێن پشكدار پلێتا ده‌ربازبوونێ‌ دڤێت و مافێ‌ وانه‌، لێ‌ وه‌كو یانا دهۆك ب هه‌موو شیانێن خوه‌ دێ‌ كاركه‌ین بۆ ده‌ستپێكه‌كا باش و سه‌ركه‌فتنان و یاریا ئه‌ڤرۆ ببیته‌ ده‌رگه‌ه بۆ ئه‌نجامێن باشتر، پێنه‌ڤێت خولا پلا ئێك ژ نایابێ‌ بهێزتره‌ ژبه‌ر هه‌ڤڕكیێ‌ و به‌رهه‌ڤیان و ئارمانجان، یانا دهۆك خودان مێژوو و ده‌ستكه‌فته‌ له‌ورا هه‌ر یانه‌كا هه‌مبه‌ری مه‌ دبیت دێ‌ ب هه‌موو هێزا خوه‌ یاریێ‌ كه‌ت ئه‌ڤچا دڤێت ئه‌م سه‌ره‌ده‌ریه‌كا تیوری ل گه‌ل هه‌ر تیمه‌كێ‌ بكه‌ین ژبۆ بده‌ستڤه‌ئینانا سێ‌ خالان، یاریا ئه‌ڤرۆ تاقیكرنا ئێكێ‌ یه‌ ژ 12 تاقیكرنێن دی و هه‌ر یاریه‌ك بۆ مه‌ یا دووماهیێ‌ دهێته‌ هژمارتن دڤێت هه‌موو خالێن ته‌كنیكی، هونه‌ری و له‌ش سڤكی به‌رچاڤ بن و من باوه‌ری ب شیانێن یاریزانێن خوه‌ هه‌یه‌ بۆ ده‌ستپێكه‌كا باش به‌ره‌ ب ئارمانجا خوه‌.

بۆ زانین یاریێن ئه‌ڤرۆ ژ كۆما دویێ‌ دێ‌ بڤی ره‌نگی بن، سیناعه‌- میسان، دیالا- رومادی، به‌حری- ناسریه‌، بابل- سلیخ، ئه‌كه‌د- ئتیفاق، مرورح سامرا‌و.

کۆمێنتا تە