ب رێیا سوشیال میدیایێ‌ بروكلیا خومالی دفروشیت

ب رێیا سوشیال میدیایێ‌ بروكلیا خومالی دفروشیت

155

ئه‌ڤرۆ نیوز، عه‌لی حاجی:

كامیران محه‌مه‌د جوتیاره‌كێ‌ ده‌ڤه‌را باوه‌ردێ‌ یه‌ د داخویانیه‌كێ‌ دا بۆ ئه‌ڤرۆ نیوز دیار كر ماوه‌یێ‌ چه‌ند ساله‌كایه‌ ئه‌ز گرنگیێ‌ ب چاندنا بروكلیا دكه‌م و هه‌تا نوكه‌ من شیایه‌ بكره‌كێ‌ تایبه‌ت په‌یدا بكه‌م و ب رێیا سوشیال میدیایێ‌ من بكری چوێ‌ په‌یدا كری یه‌.

زێده‌تر كامیران محه‌مه‌د گوت: (ژبه‌ریا دو سالان من رێژه‌یه‌كا زور ژ به‌رهه‌مین بروكلیان چاند به‌لێ‌ بكره‌كێ‌ وه‌سا نه‌بوو بشێم مفایی ژ وی به‌رهه‌می ببینم و هه‌ر هنده‌ك كه‌سان نوازانی بروكلی چیه‌ ژبه‌ر كو تشته‌كێ‌ نوو بوو گه‌له‌ك كه‌سان،به‌لێ‌ بۆ ئه‌ڤ ساله‌ من چار خانیێن پلاستیكی تایبه‌ت كرینه‌ بۆ چاندنا بروكلیان و من رێژه‌یا چاندنا وێ‌ كێمتر كری یه‌ و هه‌تا نوكه‌ من شیایه‌ بكره‌كێ‌ تایبه‌ت په‌یدا بكه‌م و ب رێیا سوشیال مێدیایێ‌ به‌رهه‌مێ‌ خوه‌ دفروشم و نابه‌مه‌ گومركێن فێقی و دوكانان ژبه‌ر كو سه‌ره‌ده‌ریه‌كا دروست دگه‌ل دا ناهێته‌ كرن و هه‌تا نوكه‌ من شیایه‌ بروكلیا خومالی دناڤ بازاری دا په‌یدا بكه‌م و به‌رهه‌مێ‌ مه‌ گه‌له‌ك ژ بروكلیا توركی باشتره‌ و جوانتره‌ ژی به‌لێ‌ مه‌ پێدڤی ب پشته‌ڤانیێ‌ هه‌یه‌ ژبه‌ر كو به‌رهه‌مێ‌ مه‌ ژ یێ‌ توركی باشتره‌ و یێ‌ روژانه‌یه‌).

و گوت ژی: وه‌كو پێدڤی پشته‌ڤانی ل مه‌ نه‌هاتیه‌ كرن و ئه‌م چاڤدێریه‌كا تایبه‌ت ل به‌رهه‌مێن خوه‌ دكه‌ین ژبه‌ر كو ب شێوه‌یه‌كێ‌ دروست و زانستی ئه‌م سه‌ه‌رده‌ریێ‌ دگه‌ل دكه‌ین به‌لێ‌ پێدڤی یه‌ ب رولێ‌ خوه‌ رابیت هه‌كه‌ به‌رهه‌مێ‌ مه‌ دناڤ بازارێ‌ ناڤخویی دا نه‌چیت به‌رهه‌مێ‌ مه‌ ڤرێكه‌ته‌ ده‌رڤه‌یی وه‌لاتی و ئه‌ز پشت راستم دێ‌ بكرێن وێ‌ هه‌بن.

 

کۆمێنتا تە