ب پشتەڤانیا حوکمەتا ھەرێمێ زاخۆ دێ باشتر ڤەگەڕێت

ب پشتەڤانیا حوکمەتا ھەرێمێ زاخۆ دێ باشتر ڤەگەڕێت

26

زاخۆ،عەلی حاجی :

د داخویانیەکێ دا سەرپەرشتێ تیما تەپاپیێ یا یانا زاخۆ بۆ رۆژناما ئەڤرۆ دیارکر چاڤەڕێ یە بەری یاریا خوە یا بھێت ژ خولا پلا نایابا عیراقێ ئەوا دێ بیتە مێڤانا کەرخ راھێنەرەکێ نوو بھێتە دەستنیشانکرن ل جھێ یێ بەرێ ئەحمەد سەلاح و گەشبینن ب پشتەڤانیا حوکمەتا ھەرێمێ باشتر ڤەگەڕێنە ھەڤڕکیان.

زێدەتر شڤان عەبدی گۆت: دەرئەنجامێ کاودانێن نەخووش یێن داراییا یانێ راھێنەرێ مە و چەند یاریزانا دەست ژ تیمێ بەردان، پشتی بزاڤێن کارگێریێ، پارێزگارێ دھۆکێ، ھندەک پەرلەمانتاران و جەماوەرێ زاخۆ ب سۆپاسی ڤە رێزدار مسرۆر بارزانی سەرۆکێ حوکمەتا ھەرێما کوردستانێ بەرھەڤیا خوە دیارکر بۆ پشتەڤانیا یانێ، ئەڤچەندە ژی دووبارە گەشبینی کەفتە دناڤ یانێ دا و پێنگاڤا ئێکێ لێگەریانا راھێنەرەکی بۆ تیما مە و ھەتا بەری یاریا بھێت دانۆستاندنێ ل گەل دو راھێنەران ھەیە ژبۆ ئینانا ئێک ژوانا بۆ تیما مە.

ھەروەسا ناڤھاتی دیارکر ژبەرکو زاخۆ د رێزبەندیەکا باش دایە و دێ ھەموو بزاڤا کەین بەردەوامیێ بدەینە ڤان ئەنجامان لەورا کار لسەر ئینانا چەند یاریزانێن دی دکەین بۆ پرکرنا ڤالاتیا دناڤ رێزێن تیمێ دا و نەھێلین چو کێماتی ھەبن و گوت: پشتی سەرۆکێ حوکمەتا ھەرێمێ پشتەڤانیا خوە راگەھاندنی بایکۆتا یاریزانان ژی ھاتە شکاندن و گیانێ کۆم و ھەڤڕکیێ پەیدابوویە کو چاڤەڕێ یە سێ شەمبیا بھێت یاریا خوە یا ئێکێ ژ قۆناغا دوێ ل باژێرێ بەغدا ببینە مێڤانێن یانا کەرخ ب ھیڤی و ئارمانجێن سەرکەفتنێ.

کۆمێنتا تە