حەفت کچان ل ئاکرێ دەستپێشخەریەک راگەھاند 

حەفت کچان ل ئاکرێ دەستپێشخەریەک راگەھاند 

85

ئەڤرۆ، رەمەزان ھەرنی:

ب دەستپێشخەریا چەند کچێن باژێرێ ئاکرێ، دەمەکە بزاڤ ژبۆ ھندێ دھێنەکرن کو خواندنا پرتووکان ل وێ دەڤەرێ ب تایبەت ژی ل دەف کچان وەکو کلتۆرەکی لێ بھێت و شوونا کچ دەمێ خوە ب ھەروە یان ب دیتنا درامایێن بیانی ڤە ب بۆرینن باشترە پرتووکا بخووین دا ئاستێ وان یێ رەوشەنبیری و مەعریفی رۆژ بۆ رۆژێ  بەر ب باشتر لێ بھیًَت.

فاتما حاجی، سەرۆکا کۆمەلا روناھی یا خواندنا پرتووکان، ل دۆر مەرەما ڤەکرنا وێ پرتووکخانێ بۆ رۆژناما ئەڤرۆ گۆت: ئەم حەفت  کچین مە پێکڤە بڕیاردا ڤی کاری ئەنجام بدەین و ھەر چەندە ھێشتا دەستپێکە بەس مە باوەریا ھەی دێ رۆژ بۆ رۆژێ خواندەڤان پتر لێ ھێت و ئەڤە دێ بیتە دەرگەھەک کو پتر کچ و ژن سەرەدانا جھێ مە بکەن و دەمێ خوە یێ ڤالا ب خواندنا پرتووکان ڤە ببۆرینن، بۆ زانین ھەتا نوکە مە ھژمارەکا پرتووکان ب زمان و بتبەتێن جودا خرڤەکرینە و ئەز ب باوەرم ل دەمێ بھێت دێ پرتووک بۆمە ھێن، ھەروەسا ھژمارا کچ و ژنێن پرتووکان ژی دخوینن دێ زێدەتر لێ ھێت و بەردەوام دێ بزاڤێ کەین ب ریێا گێڕانا سمیناران خواندەڤانێن پرتووکان زێدەتر لێ کەین و بۆ ڤێ مەرەمێ ئەم پێدڤی ب پشتەڤانیێ ینە.

کۆمێنتا تە