خسرۆ گۆران: پارتی ل گه‌ل هیچ لایه‌نه‌كی هه‌ڤپه‌یمانی نه‌كریه‌

خسرۆ گۆران: پارتی ل گه‌ل هیچ لایه‌نه‌كی هه‌ڤپه‌یمانی نه‌كریه‌

به‌رپرسێ ده‌زگه‌هێ هه‌لبژارتن یێ پارتی دیموكراتی كوردستان، راگه‌هاند پارتی دێ پشكداریێ د هه‌لبژارتنێن ده‌ڤه‌رێن كوردستانی یێن ده‌رڤه‌ی ئیدارا هه‌رێما كوردستانێ دا كه‌ت و ناڤێن به‌ربژارێن پارتی بۆ بازنێن جودا یێن پارێزگه‌هان راگه‌هاند، هه‌روه‌سا ئاشكراكر كو ژ ئه‌گه‌رێ به‌لاڤبوونا ڤایرۆسێ كورۆنا و ئه‌نجامدانا هه‌لبژارتنێن عیراقێ، كۆنگرێ پارتی دیموكراتی كوردستان هاته‌ پاشخستن.

خسرۆ گۆران، به‌رپرسێ ده‌زگه‌هێ هه‌لبژارتن یێ پارتی دیموكراتی كوردستان، گۆت” پارتی دێ پشكداریێ د هه‌لبژارتنێن پێشوه‌خت یێن جڤاتا نوونه‌رێن عیراقێ ل چریا ئێكێ 2021 دا كه‌ت و ل گه‌ل هیچ لایه‌نه‌كی مه‌ هه‌ڤپه‌یمانی نه‌كریه‌ و ب تنێ ل هه‌موو پارێزگه‌هان دێ پشكداریێ د هه‌لبژارتنان دا كه‌ین”.

خسرۆ گۆران گۆت ژی” ل رۆژێن داهاتی به‌ربژار و كادرێن مه‌ و جه‌ماوه‌ر ژی دێ پشكداریێ د هه‌وا هه‌لبژارتنان ل ده‌ڤه‌رێن كوردستانی یێن ده‌رڤه‌ی ئیدارا هه‌رێما كوردستانێ دا كه‌ن”.

به‌رپرسێ ده‌زگه‌هێ هه‌لبژارتن یێ پارتی رۆهنكر ژی” سه‌ره‌رای وێ چه‌ندێ كو مه‌ 55 به‌ربژار یێن هه‌ین، هه‌ڤده‌م ل هه‌ردو پارێزگه‌هێن واست و نه‌ینه‌وا بۆ كورسیێن كۆتا كوردێن فه‌یلی و شه‌به‌ك مه‌ به‌ربژار یێن هه‌ین”.

ئاشكرا كر ژی” ژ ئه‌گه‌رێ به‌لاڤبوونا ڤایرۆسێ كورۆنا و ئه‌نجامدانا هه‌لبژارتنێن عیراقێ، كۆنگرێ پارتی دیموكراتی كوردستان هاته‌ پاشخستن”.

به‌رپرسێ ده‌زگه‌هێ هه‌لبژارتن یێ پارتی ب فه‌رمی ناڤێن به‌ربژارێن پارتی بۆ هه‌لبژارتنێن جڤاتا نوونه‌رێن عیراقێ ل پارێزگه‌ها دهۆكێ و پارێزگه‌هێن هه‌رێمێ و عیراقێ راگه‌هاندن.

ل دۆر به‌ربژارێن پارتی ل پارێزگه‌ها دهۆكێ، خسرۆ گۆران گۆت: پارتی 11 به‌ربژار ل پارێزگه‌ها دهۆكێ یێن هه‌ین ب ڤی شێوه‌ی:

بازنێ دهۆك و ئامێدی 4 به‌ربژار : د. خه‌لیل غازی، فه‌همی سه‌لمان ، خالد سه‌لیم، ئه‌ڤین سه‌لیم.

بازنێ زاخۆ  3 به‌ربژار : عه‌بدولواحد ئه‌حمه‌د ره‌شید، سه‌گڤان یوسف، سۆزان عه‌لی.

بازنێ ئاكرێ – به‌رده‌ره‌ش – شێخان 4 به‌ربژار: خسرۆ گۆران، ڤیان سه‌بری، موه‌فه‌ق شه‌هاب، چیا ته‌یموور.

کۆمێنتا تە