خولێن کوردستانێ دێ ب رێنومایێن تۆند بڕێڤەچیت

خولێن کوردستانێ دێ ب رێنومایێن تۆند بڕێڤەچیت

14

ئەڤرۆ،

پشتی راوەستیانێ بۆ زێدەتری دو حەفتیان ئێکەتیا تەپاپیێ یا کوردستانێ بڕیاردا دوبارە چالاکیێن خوە ل سەر ئاستێ پلا نایاب و ئێک برێڤەببەت ب دەرکرنا چەند رێنومایێن تۆند دژی ھەر روودانەکا دناڤ یاریگەھان دا پەیدا بیت یان پێگیری ب رێنومایا نە ھێتەکرن.

د داخویانیەکێ دا قاسم سالح ئەندامێ ئێکەتیا تەپاپیێ یا کوردستانێ بۆ رۆژناما ئەڤرۆ گوت: ئەڤرۆ دێ کۆمبوونا تایبەت ھێتە ئەنجامدان و ب فەرمی دێ بڕیارا دوبارە ڤەگەڕاندنا ھەردو خولێن پلا نایاب و ئێک ھێنە راگەھاندن کو  دھێتە پێشبینیکرن دێ ل دووماھیا حەفتیا بھێت دەستپێکەن یا پلا نایاب گەڕا دوێ و یا پلا ئێک قۆناغا دوێ بیت، پشتی ل ماوێ بوری چەندین کۆمبوونێن جودا ل گەل نوونەرێن یانێن پشکدار، رۆژنامەڤان، سەرپەرشتێن یاریا و دادڤان پێخەمەت گەنگەشەکرن لسەر روودانێن دناڤ چەند یاریگەھێن تەپاپیێ دا پەیدابووین و رێکێن چارەسەریێ و وەرگرتنا سۆزناما و دیسان پشتی وەزارەتا دارایی ل حوکمەتا ھەرێما کوردستانێ رازیبووی پارڤەکرنا پارێن دادڤانان بڕیار ھاتیەدان دوبارە دەستپێکرنا خولێن تەپاپیێ بھێتەکرن لێ ب دانانا ھندەک رێنومایێن تۆند دژی ھەر روودانەکا دناڤ یاریگەھێ دا پەیدادبیت.

بۆ زانین لدیڤ رێنومایێن نوو یێن ئێکەتیا تەپاپیێ  بەلاڤکرین کو دڤێت بۆ ھەر یاریەکێ خودانێن ئەردی ٢٠ پۆلیسێن ئێمناھیێ کێمتر نەبن دناڤ یاریگەھێ دا ھەکە نە یاری برێڤەناچیت، دیسان یاریزانێ کارتا سور وەربگریت دەرئەنجامێ تۆندوتیژیێ دێ ب ملیونەکا دیناران ھێتە سزادان و بۆ سێ یاریان دێ ھێتە دوورئێخستن، ھەکە دوبارەبیت دێ ب پێنچ ملیۆنان ھێتە سزادان، ھەروەسا ستاڤێ ھونەری، کارگێری، سەرپەرشتیار، خزمەتگۆزاریێ یێن یانەکێ ب کارتا سۆر بھێتە دوورئێخستن ژبەر تۆندۆتیژیێ یا ھێرشکرنێ دێ ب سێ ملیۆنان ھێتە سزادان و پێنچ یاریا ژ تیما خوە دوورکەڤیت  و لدووماھیێ چو یانا ماف نینە گازندێ لسەر دەستنیشانکرنا ستاڤێ دادڤانا بۆ یاریا وان بکەت.

کۆمێنتا تە