داستانا خواكورك پێگه‌هێ به‌رده‌وامیا خه‌باتێ بوویه‌

داستانا خواكورك پێگه‌هێ به‌رده‌وامیا خه‌باتێ بوویه‌

21

زه‌نوون سلێڤانه‌ی
پشتی بدووماهیهاتنا جه‌نگێ هه‌شت سالیێ یا عیراق و ئیرانێ كو ل رۆژا (هه‌شتى ته‌باخا سالا 1988) ێ دا ل دووڤ بریارا ژمارا(598) یا ئه‌نجوومه‌نێ ئاسایشا ده‌ولی و نه‌ته‌وه‌ێن ئێكبوویێ، ئانكو رژێما ده‌ستهه‌لاتداریا به‌عس ل عیراقێ په‌سه‌ندكرنا بریارا ب ناڤێ ئه‌نفال دژی خه‌لكێ كوردستانێ و هنارتنا دو فه‌یله‌قێن سه‌ربازی ب زریپۆش و چه‌كێ خوه‌ یێن سڤك و ب گرانڤه‌ و بكارئانینا ئێرشێن خوه‌ یێن سه‌ربازی بۆ ده‌ڤه‌رێن ئازادكری ل ژێر كونترۆلا هێزێن و پێشمه‌رگه‌یێ ڤه‌ بۆ مه‌ره‌ما رژێمێ ژبۆ هندێ بوویه‌ و داخستنا سێگوشا توخیبێن وه‌لاتێ ئیرانێ و توركیا بگریت و جینۆساید و ئه‌نفالكرنا كوردان ب هه‌شت قووناغان ده‌سپێكری یه‌ كو ل رۆژ((17 تیرمه‌هێ و هه‌تا ل 25 ته‌باخێ یا سالا 1988) دا هه‌وا ئه‌نفالان ده‌ڤه‌رێن به‌هدینان ژ ڤه‌دگریت و بكارئانینا چه‌كێ كێمیاوی دژی گه‌لێ كوردستانێ و هژماره‌كا خه‌لكێ بێگونه‌هـ و سڤیل و شه‌هید و بریندار بووینه‌، ب سه‌ده‌هان خیزانێن كوردان ئاواره‌یێ توخیبێن وه‌لاتێ ئیرانێ و توركیا دبن، له‌ورا رژێما به‌عسیێن فاشست پێكۆل و بزاڤ دكرن هه‌ر ژ ده‌ڤه‌را خواكۆركی و گۆرێ زاهر و هه‌تا گه‌لیێ گۆسته‌ی ل سه‌ر توخیبێ ئیرانێ بگریت،
به‌لێ سه‌ركرداێه‌تیا سیاسیا كوردی و ل گه‌ل هێزێن پێشمه‌رگه‌یێ و لق و لێژنه‌ و رێخستیێن پارتی و ب سه‌ركێشیا سه‌ركرده‌یێ ئاشتیخواز سه‌رۆك مه‌سعود بارزانی دژی ڤێ پیلانا رژێما ده‌ستهه‌لاتداریا دكتاتۆر و كه‌تینه‌ د ئاماده‌ باشیێ دا خوه‌ به‌رهه‌ڤكرن ژبۆ تۆماركرنا داستانه‌كا مێژوویێ یاهه‌ڤچه‌رخ و ب ناڤێ (داستانا خواكورك) ئه‌ڤ داستانا هنده‌ گرنگ و پری سه‌روه‌ری و خه‌بات و بوویه‌ پێگه‌هێ به‌رده‌وامیا شۆره‌ش و خه‌باتا چه‌كداری ل كوردستانێ بۆ بده‌ستڤه‌ئانینا مافێن ره‌وا یێن نه‌ته‌وه‌ی د پاشه‌رۆژێ دا و ڤه‌گه‌راندنا خه‌لكێ ئاواره‌بوویێ سه‌لماندننا هه‌بوونا ئیراده‌یا گه‌لێ كورد به‌رده‌وامیا شۆره‌ش و به‌رخوه‌دانێ، یاخۆیایه‌ هه‌كه‌ ئه‌م ب تیروته‌سه‌ل پێناسه‌كرنه‌كێ بده‌ین ل سه‌ر رۆژانێن فێ داستانا مێژوویێ و داستانا خواكۆرك، هه‌ر ئێك ب ره‌نگه‌كێ سه‌ركه‌ڤتنێن مه‌زن ل پاش خوه‌ هێلاین، به‌لێ ڤێ داستانا هنده‌ گرنگ ناڤه‌رۆكا خوه‌یا تایبه‌ت هه‌بوو، سه‌رۆك بارزانی راسته‌خوه‌ د به‌رۆكێن جه‌نگا ڤێ داستانێ چاڤدێریا هه‌می میحوه‌ران دكر، چونكو دو خالێن گرنگ د ڤێ داستانێ هه‌بوون،
سه‌لماندنا هه‌بوونا خه‌بات و خۆراگریا پێشمه‌رگه‌یێ به‌رده‌وامیدان ب شۆره‌شێن كوردی و په‌یدابوونا گورهۆرینێن نوو ل عیراقێ و تایبه‌ت ب مافێن چاره‌نڤیسازا نه‌ته‌وه‌یا خه‌لكێ كوردستانێ ڤه‌ گرێدایێ بوو. شاندێ چاڤدێریێ و جه‌نگ بداوی هاتنا د ناڤبه‌را عیراق و ئیرانێ دا ژ نێزیك گه‌لێ كورد و به‌رده‌وامیا خه‌باتێ ڤه‌ گرێدایێ بوو چ په‌یوه‌ندی ب ڤی جه‌نگێ نه‌بوو.
داستانا خواكۆرك پتر ژ 50 رۆژان ڤه‌كێشا و نه‌چاركرنا رژێمێ هژماره‌كا سه‌ربازێن كوشتی و برینداران و زریپۆشێن خوه‌ د گۆره‌پانا جه‌نگێ دا بجهێلان و خوه‌ ژ به‌رۆكێن جه‌نگێ ڤه‌كیشایی شاره‌زایه‌كی سه‌ربازی یێ رژێمێ دبێژن (ئه‌ڤ داستانا هه‌نێ پر ب هێزبوو ل هه‌مبه‌ری هه‌شت سالێن جه‌نگا عیراق و ئیرانێ دبه‌ دا بداوی هێت)
داستانا خواكۆرك رێگرتن ل وێ سته‌م و نه‌هامه‌تیا رژێمێ و پاراستنا خیزانێن ئاواره‌ ل به‌ر هه‌وا ئه‌نفالان كه‌تێن خوه‌ بگه‌هینن ل سه‌ر توخیبێن وه‌لاتێ ئیرانێ و توركیا، ژ به‌ر بكارئانینا چه‌كێ كیمیاوی و جهێ داخێ یه‌ هژماره‌كا هێزێن پێشمه‌رگه‌ی ل گه‌ل خیزانێن كوردان ده‌ڤه‌رێن كه‌تینه‌ ل به‌ر هێرشێن سه‌ربازی و هاتینه‌ كاڤلكرن و شه‌وتاندن و بجهێلایێ یه‌.

کۆمێنتا تە