دا ده‌ستان ژ دۆستینیا ب گرنژینێ به‌رده‌ین

دا ده‌ستان ژ دۆستینیا ب گرنژینێ به‌رده‌ین

5

ناجی به‌ده‌ل
خۆش باوه‌ریێ رێ دایه‌ هه‌رده‌م بهێنه‌ خاپاندن و سه‌ردابرن پشتی هه‌ر ئه‌نجامه‌كێ هندی ته‌حه‌مان ڤه‌ده‌ین د بێ مفانه‌.له‌ورا خۆشباوه‌ریا كوردان وه‌ك سیفه‌ته‌كێ ره‌سه‌ن یێ كورده‌واریێ هاتیه‌ بكارئینان، گه‌له‌ك كه‌س هاتینه‌ و ب هه‌ڤال و دۆست و برایێن كوردان خوه‌ داینه‌ نیاسین، پشتی بووینه‌ خودان ده‌سهه‌لات گوهنه‌دایه‌ ئه‌وا به‌ری نوكه‌ گۆتی، به‌لكو به‌روڤاژی پێنگاڤ و پلان دارێژتینه‌، به‌لكو ل گۆری به‌رژه‌وه‌ندى و پێدڤیا وه‌لاتێ خوه‌ بریار و ده‌سهه‌لاتێ برێڤه‌ ده‌بن كو ل سه‌ر بنه‌مایه‌كێ به‌رژه‌وه‌ندیخواز دۆستانیێ دروست دكه‌ن، له‌ورا نوكه‌ ده‌م هات ده‌ستا ژ ئه‌وێ خۆشباوه‌ریێ به‌رده‌ین ئه‌وا چه‌ندین ساله‌ دیڤ دچن و ل سه‌ر دچین بێ مفایه‌ و كه‌س بۆ مه‌ نه‌بوویه‌ دۆستێ راسته‌قینه‌، به‌لكو دۆستێ به‌رژه‌وه‌ندخوازه‌ ل گۆری رێژا به‌رژه‌وه‌ندیا خوه‌ ل گه‌ل مه‌یه‌، ڤێجا هه‌تا كه‌نگی تێگه‌ه و هزرا سیاسی شاره‌زا بین و تێگه‌هین، هه‌كه‌ ب نێرینه‌ دیرۆكێ، گه‌له‌ك كه‌س ل گه‌ل مه‌ ژیایینه‌ و خوه‌ كرینه‌ هه‌ڤخه‌مێن برینێن مه‌، لێ ده‌ما بووینه‌ ده‌سه‌لاتدار چ هه‌بوون و هزر ل گۆتنێن به‌ریا نوكه‌ دا نه‌كرینه‌.
هه‌رده‌م دهێته‌ گۆتن كوردان چ دۆست نینن ژبلی چیایێن وێ نه‌بن، ئه‌ڤه‌ چه‌نده‌ هاتیه‌ دوپاتكرن ژ بلی چیان چ د ده‌ستێ مه‌ دا نه‌بوویه‌.
نه‌ هه‌ر كه‌سه‌كێ سلاڤه‌ك ل مه‌ كری بوویه‌ برا بابێ مه‌، ده‌مێ دبیته‌ سه‌ركرده‌یێ وه‌لاتێ خوه‌، دێ بیته‌ پشت و په‌ناگه‌ها مه‌، به‌لكو ئه‌و یێ گرێدایی هنده‌ك بنه‌مایه‌ ل گۆری به‌رژه‌وه‌ندیێن خوه‌ دلڤیت، بێكو به‌رنامه‌ و كارێ وی ببینین ژ وی پتر كه‌یفخۆش و سه‌ربلند دبینین ب سه‌ركه‌فتنا ئه‌وی كه‌سێ كو نوكه‌ ئه‌ڤا بۆ بایدنی دهێته‌ گۆتن پشتی بوورینا ده‌می هه‌می دێ ته‌حه‌مان بۆ خوازن تو ژی دووڤ گۆتنێن خوه‌ نه‌بوویه‌، نابێژن ل گۆری به‌رژه‌وه‌ندیا خوه‌ ل گه‌ل مه‌ گرنژیه‌.
هه‌كه‌ چاڤه‌كی ل دیرۆكا ئه‌ڤان چه‌ند سالێن بۆری دا بكه‌ین دێ ده‌ر ئه‌نجامێ ئه‌وێ خۆش باوه‌ریا مه‌ بۆ مه‌ ده‌ركه‌ڤیت، ل ده‌مێ ده‌ستنیشانكرن و هه‌لبژارتنا مالكی پاشی عه‌بادی و پاشی عادل عه‌بدلمه‌هدی و كازمی لێ رۆژ بۆ رۆژێ پتر بێ هیڤی بوون و بنپێكرن ل سه‌ر ماف و خواستا نه‌ته‌وه‌یی هاته‌كرن.
ده‌م هات ل گۆری بنه‌مایێن به‌رژه‌وه‌ندیێن خوه‌ دلخۆش و ب گرنژین ب هاتنا هه‌ر سه‌ركرده‌یه‌كێ نوو، چونكو هه‌تا ئه‌م ب كێر خوه‌ و به‌رژوه‌ندبا نه‌ته‌وه‌یا خوه‌ نه‌هیێن نه‌ شیێن كه‌سێ نه‌چار بكه‌ین ل گۆری به‌رژه‌وندیا مه‌ سه‌ره‌ده‌ریێ ل گه‌ل بكه‌ت.
ده‌م هات سه‌ربۆر و هنده‌ك شكه‌تنێن خوه‌ ب رێیا ئه‌وێ خۆش باوه‌ریا ل دیرۆكێ ڤه‌گێرین و مفایی ژێ بینین، دڤێت به‌رژه‌وه‌ندیا نه‌ته‌وه‌ی بنه‌مایێ دۆستینیێ بیت و ل پێشیا هه‌ر تشته‌كی دابنین و ئه‌وی ده‌می ژی خه‌لكێ بیانی ژی رێزێ دێ ل مه‌ گریت و دۆستینیا راسته‌قینه‌ ل گه‌ل مه‌ بكه‌ت.

کۆمێنتا تە