دخوازیت پشته‌ڤانیا كچان بكه‌ت

دخوازیت پشته‌ڤانیا كچان بكه‌ت

12

عه‌لی حاجی:

ڤه‌ژین عسمه‌ت، كچا باژێرێ‌ دهوكێ‌ یه‌ د بۆارێ‌ ریكلامان دا كار دكه‌ت، د دیداره‌كێ‌ دا بۆ رۆژناما ئه‌ڤرۆ دیاركر كو ئه‌و د سێ‌ بۆاران دا كار دكه‌ت، به‌لێ‌ زێده‌تر خوه‌ د رێكلامان دا دبینیت و ب گۆتنا وی یا گونجایی نینه‌ هه‌ر كه‌سه‌ك بهێت كارێ‌ رێكلامان بكه‌ت.

زێده‌تر گۆت: ل ده‌ستپێكێ‌ ئه‌و به‌رپرسا پشكا رێكلامان بوو ل كه‌ناله‌كێ‌ لوكالی، به‌لێ‌ د هه‌مان ده‌م دا وێ‌ ده‌رهێنه‌را به‌رنامه‌كی ژی كری یه‌ و ل ڤێ‌ دووماهیێ‌ وێ‌ ب خوه‌ ده‌ست ب چێكرنا رێكلامان كری یه‌ و قوتابیه‌ ژی ل پشكا شانۆیێ‌ ل په‌یمانگه‌ها هونه‌رێ‌ جوان ل دهوكێ‌.

ناڤهاتیێ‌ گۆت: شانۆیێ‌ پێكڤه‌ گرێدانه‌كا باش ل گه‌ل راگه‌هاندنێ‌   هه‌یه‌ ژبه‌ركو وێره‌كی و شاره‌زایێ‌ دده‌ته‌ مروڤی و گه‌له‌ك تشت من نه‌ دزانین به‌لێ‌ ب رێیا شانۆیێ‌ من پێزانین ده‌رباره‌ی راگه‌هاندنێ‌ وه‌رگرتن و ئه‌و كارێن ئه‌ز دكه‌م من شیانێن وه‌سا هه‌نه‌ كو بشێم ئه‌نجام بده‌م به‌لێ‌ زوما من زێده‌تر سه‌ر كارێ‌ رێكلامێ‌ یه‌ و مالا من پشته‌ڤانیه‌كا باش ل من كرینه‌ و نوكه‌ دا وه‌لێهاتیه‌ هه‌ر كه‌سه‌كێ‌ بڤێت دناڤ ریكلامان دا و ئه‌ڤه‌ نه‌یا دروسته‌ و هێشتا خه‌لك خه‌له‌ت د ریكلامێ‌ دگه‌هیت و ریكلامێ‌ چه‌ند قوناغ هه‌نه‌ له‌وما ئه‌و كه‌سێ‌ بهێته‌ دناڤدا دڤێت وان قوناغان ده‌رباز بكه‌ت و دخوزام د پاشه‌روژێ‌ دا د بۆارێ‌ رێكلامان دا پشته‌ڤانیا كچان بكه‌م و ده‌لیڤه‌یێن كاری بۆ وان ببینم.

کۆمێنتا تە