د.عیصام حكمه‌ت: نه‌خۆشێن پێدڤی ب شووشتنا گولچیسكا و یێن به‌رده‌وام به‌ركا د...

د.عیصام حكمه‌ت: نه‌خۆشێن پێدڤی ب شووشتنا گولچیسكا و یێن به‌رده‌وام به‌ركا د هاڤێژن نابیت رۆژیا بگرن

5

ئه‌ڤرۆ، بێوار شوكری:

ئه‌و نه‌خۆشێن مه‌ترسی ل سه‌ر گولچیسكێن وان هه‌ین ب رێیا پشكنینا دیاردبیت كا شیانێن گرتنا رۆژیا هه‌نه‌ یان نه‌، نه‌خۆشێن پێدڤی ب شووشتنا گولچیسكا و یێن به‌رده‌وام به‌ركا د هاڤێژن نابیت رۆژیا بگرن.

د.عیصام حكمه‌ت رێكانی، تایبه‌تمه‌ندێ‌ نشته‌رگه‌ریێن گولچیسكا و جوبارێن میزه‌رو دیاكر نه‌خۆشێن گولچیسكێن وان راوه‌ستیایی و پێدڤی ب شوشتنا گولچیسكا دبن و رۆژانه‌ پێدڤی ب رێژه‌یه‌كا مه‌زن یا ئاڤێ‌ دبن و دڤێت به‌رده‌وام ئاڤێ‌ ڤه‌خوت نه‌شێت بو ده‌مه‌كێ‌ درێژ بێ‌ ئاڤ بیت نابیت رۆژیا بگریت چونكو شیان نینن، و گوت: هنده‌ك كه‌س هه‌نه‌ مه‌ترسی ل سه‌ر گولچیسكێن وان هه‌نه‌ ب رێكا پشكنینا دیاردبیت كادێ‌ شێت رۆژیا گریت یان نه‌، به‌هرا پتریا ئه‌و نه‌خۆشێن گولچیسكێن وان كارنه‌كن نابیت رۆژیا بگرن.

د.عیصام حكمه‌ت رێكانی دیاركر ژی گه‌له‌ك نه‌خۆش هه‌نه‌ گولچیسكێن وان به‌ركا دروست دكه‌ن ب تایبه‌ت ئه‌وێن هه‌ردو گولچیسكێن وان به‌رده‌وام به‌ركا دروست دكه‌ن و به‌رده‌وام فه‌تره‌ فه‌تره‌ به‌ركا د هاڤێژن ئه‌ڤه‌ژی دڤێت به‌رده‌وام ئاڤێ‌ ڤه‌خون دا به‌رك بو دروست نه‌بن، به‌س نه‌ هه‌ر كه‌سه‌كێ‌ به‌رك هه‌ین نه‌شێت رۆژیا بگریت،  و گوت: ئه‌ڤێن به‌رك هه‌ین ل رۆژێن ده‌سپێكا ره‌مه‌زانێ‌ گه‌له‌ك ئاڤێ‌ ڤه‌دخون دبیته‌ هاریكار بو هاڤێتنا به‌ركا، به‌س ئه‌ڤێن به‌رده‌وام گولچیسكێن وی به‌ركا دروست دكه‌ن ئه‌و پێدڤیه‌ رۆژانه‌ زێده‌تر ژ دو لترێن ده‌ستنڤێژا زراڤ دروستكه‌ن ب تایبه‌ت نوكه‌ ره‌مه‌زان د هاڤینێ‌ دایه‌ پتر پێدڤی ب ئاڤێ‌ دبن دبێژنه‌ وان رۆژیا نه‌گرن، به‌رده‌وام ئه‌م شیره‌تا لێدكه‌ن ئاڤێ‌ ڤه‌خون، هنده‌ك دبێژن ئه‌م ده‌مێن فتارێ‌ و پاشیڤێ‌ ئاڤێ‌ ڤه‌دخوین لێ‌ دڤێت بزانن ئه‌و بو ده‌مه‌كێ‌ درێژ ب رۆژ دمینه‌ بێ‌ ئاف و ره‌نگه‌ د وی ده‌می دا به‌رك دروست بن یا به‌رك مه‌زنتر لێ‌ بهێن، و گوتژی:  هنده‌ك نه‌خۆشا هه‌ودان هه‌نه‌ د وێ‌ فه‌ترێ‌ دا نابیت بو چه‌ند رۆژا رۆژیا بگریت یان به‌رك هاته‌ د حالبی دا وێ‌ فه‌ترێ‌ ژی نابیت بگریت، پێدڤیه‌ نه‌خۆش بزانن ده‌مێ‌ به‌رك دهێته‌ د حالبی دا ئاڤێ‌ گه‌له‌ك نه‌ڤه‌خوت یا دروست ئه‌وه‌ هه‌ر ده‌مژمێره‌كێ‌ گلاسه‌كی ڤه‌خوت باشتره‌ ل سه‌رئێك ڤه‌خوت چونكو دێ‌ ئێشان كه‌ڤیته‌ گولچیسكێن وی،ئه‌و كه‌سێ‌ نه‌خۆشێن دوم درێژ هه‌بن نه‌شێن چاره‌سه‌ریێن خو ب راوه‌ستینت ئه‌وژی نابیت رۆژیا بگرن.

کۆمێنتا تە