د. موئه‌یه‌د ئه‌غالی: نۆكه‌ گه‌له‌ك ژ تووشبوویێن كۆرۆنایێ‌ گه‌نجن

د. موئه‌یه‌د ئه‌غالی: نۆكه‌ گه‌له‌ك ژ تووشبوویێن كۆرۆنایێ‌ گه‌نجن

19

به‌رپه‌رێ‌ ساخله‌میێ‌:

سه‌رپه‌رشتێ‌ چاره‌سه‌ركرنا تووشبوویێن كۆرۆنایێ‌ ل دهۆكێ‌ دیاركر: نۆكه‌ گه‌له‌ك ژ تووشبوویێن كۆرۆنایێ‌ گه‌نجن و 75 تووشبوویێن دناڤ نه‌خۆشخانه‌یێن كورۆنایێ‌ دا چاره‌سه‌ریێ‌ وه‌ردگرن و هه‌موو ژی ره‌وشا وان یا دژوار و مه‌ترسیداره‌.

د. موئه‌یه‌د ئه‌غالی، سه‌رپه‌رشتێ‌ چاره‌سه‌ركرنا تووشبوویێن كۆرۆنایێ‌ ل ساخله‌میا پارێزگه‌ها دهۆكێ‌ راگه‌هاند كو:”  نۆكه‌ 75 تووشبووی دناڤ نه‌خۆشخانه‌یێن كۆرۆنایێ‌ دا هه‌نه‌ ژوانا ژی 25 تووشبووی ره‌وشا وان باش نینه‌، هنده‌ك فاكته‌ر هه‌نه‌ كارتیكرنێ‌ ل تووشبوویێن كۆرۆنایێ‌ دكه‌ن له‌ورا ژی پشتی 14 رۆژان هێشتا هنده‌ك نیشانێن نه‌خۆشیێ‌ دمینن و هنده‌ك ژی بۆ ده‌مه‌كێ‌ درێژ دمینن، ئه‌وژی ئه‌و تووشبوویینه‌ یێن ب دروستاهی چاره‌سه‌ریا خوه‌ نه‌كه‌ن، دیاركر هه‌كه‌ سیهێن نه‌خۆشی 70 بۆ 75 ژكار بكه‌ڤن و هه‌ودانه‌ك تێدا دروست ببیت ئه‌و دبیته‌ ئاریشه‌ بۆ نه‌خۆشی، چونكو هه‌ر دێ‌ پێدڤی ب ئوكسجینێ‌ بیت”.

ئاشكرا كر:” نۆكه‌ یا ژهه‌موویێ‌ گرنگتر ئه‌وه‌ خه‌لك خوه‌ بپارێزن، چونكو كۆرۆنا گه‌له‌ك به‌لاڤبوویه‌ وحاله‌تێن مه‌ترسیدار زۆر دبن و ل به‌رامبه‌ر دا رێژا مرنێ‌ ژی زێده‌بیت، له‌ورا ئه‌م هوشداریێ‌ دده‌ینه‌ خه‌لكێ‌ خوه‌ ب ته‌مامی پێگیریێ‌ ب رێنمایێن ساخله‌میێ‌ بكه‌ن”.

زێده‌تر گۆت:” حاله‌ت هه‌نه‌ كه‌س دو جاران تووشی كۆرۆنایێ‌ بوویه‌ هنده‌ك ژی هه‌نه‌ پشتی شه‌ش هه‌یڤان بۆ جارا دووێ‌ تووشی كۆرۆنایێ‌ بووینه‌ كو رێژا تووشبوویان گه‌له‌ك زێده‌بوویه‌”.

سه‌رپه‌رشتێ‌ چاره‌سه‌ركرنا تووشبوویێن كۆرۆنایێ‌ گۆت: ئه‌و تووشبوویێن ئوكسجینێ‌ وان نزم دبیت و دهێته‌ بن 90ێ‌ دا، پێدڤیه‌ قه‌ستا نه‌خۆشخانێ‌ بكه‌ن ئه‌ڤه‌ پتر ل نه‌خۆشخانێ‌ دهێنه‌ نڤاندن یێن بۆ وان جه‌لتا دلی دروست بیت یان ژی ره‌بو هه‌بیت و تووشی كۆرۆنایێ‌ ببن، بێهنته‌گی بۆ وان گه‌له‌ك چێبوویه‌ و ئه‌ڤه‌ ژی ل نه‌خۆشخانێ‌ دهێنه‌ نڤاندن، به‌لێ‌ نۆكه‌ بتنێ‌ تووشبووین ره‌وشا وان دژوار و مه‌ترسیدار ل نه‌خۆشخانێ‌ دهێنه‌ نڤاندن ب تایبه‌تی ژی هه‌كه‌ كوخك یان تایه‌كا زێده‌ هه‌بیت یانژی بێهنا وان گه‌له‌ك ته‌نگ بیت ئه‌ڤه‌ پێدڤیه‌ قه‌ستا نه‌خۆشخانێ‌ بكه‌ن بۆ وه‌رگرتنا چاره‌سه‌ریێ‌”.

کۆمێنتا تە