د. هه‌كار مسته‌فا: ئێك ژئاریشه‌یێن مه‌زن ئه‌وه‌ ره‌وشا تووشبوویێ‌ كۆرۆنایێ ل مال...

د. هه‌كار مسته‌فا: ئێك ژئاریشه‌یێن مه‌زن ئه‌وه‌ ره‌وشا تووشبوویێ‌ كۆرۆنایێ ل مال گه‌له‌ك خراب دبیت پاش دئینن نه‌خۆشخانێ‌

3

له‌زگین جوقی:

رێڤه‌به‌رێ‌ نه‌خۆشخانا كۆرۆنایێ‌ ل دهۆكێ‌ دیاركر :” ئێك ژ ئاریشا هه‌ره‌ مه‌زن ئه‌وه‌ نه‌خۆش دێ‌ د مال دا هنده‌ك جۆرێن چاره‌سه‌ریێ‌ وه‌رگریت و ره‌وشا وی دێ‌ گه‌له‌ك خراب بیت ژنوو دێ‌ قه‌ستا نه‌خۆشخانێ‌ كه‌ت”.

د. هه‌كار مسته‌فا، رێڤه‌به‌رێ‌ نه‌خۆشخانا كۆرۆنایێ‌ ل دهۆكێ‌ دیاركر كو پتریا نه‌خۆشێن مه‌ زوو قه‌ستا نه‌خۆشخانێ‌ ناكه‌ن و خوه‌ گه‌له‌ك گیرودكه‌ن ئه‌وژی ده‌مێ‌ تووشی كۆرۆنایێ‌ دبن دێ‌ ل مال چاره‌سه‌ریا خوه‌ ل ده‌ف كه‌سه‌كی كه‌ن، كو ره‌نگه‌ هه‌ر شوولێ‌ وی نه‌بیت، ئه‌ڤه‌ دبیته‌ ئه‌گه‌ر ره‌وشا تووشبووی گه‌له‌ك مه‌ترسیدار دبیت ژ نوو دێ‌ قه‌ستا نه‌خۆشخانێ‌ كه‌ت، ئه‌وژی دێ‌ ئوكسجینی وی وه‌سا كێم بیت پێدڤی ئامیرێ‌ هه‌ناسه‌دانا ده‌ستكرد بیت و ئه‌ڤه‌ یا باش نینه‌، چونكو رێژا مرنێ‌ ل سه‌ر وی كه‌سی دێ‌ پتر بیت و گۆت: نۆكه‌ ره‌وشا 40 تووشبوویێن كۆرۆنایێ‌ یا مه‌ترسیداره‌ و د قۆناغێن دۆوماهیێ‌ یێن چاره‌سه‌ریێ‌ دانه‌، ئه‌وژی ل سه‌ر ئامێرێ‌ هه‌ناسه‌دانا ده‌ستكرد هاتینه‌ دانان كو دووماهی قۆناغا چاره‌سه‌ریێ‌ یه‌ هه‌كه‌ ساخ نه‌بیت دێ‌ گیانێ‌ خوه‌ ژده‌ست ده‌ت”.

د. هه‌كار مسته‌فا ، گۆت: چه‌ند خه‌لك ڤاكسینێ‌ وه‌ربگرن دێ‌ ره‌وش به‌ره‌ڤ باشبوونێ‌ چیت له‌ورا ئه‌م ئاموژگاریان ل خه‌لكێ‌ خوه‌ دكه‌ین ڤاكسینێ‌ دژی كۆرۆنایێ‌ وه‌ربگرن، ئه‌ڤه‌ باشترین رێكه‌ بۆ روو ب روبوونا كۆرۆنایێ‌ وئاسایبوونا ره‌وشێ‌ ل دهۆكێ‌ و ب كارئینانا كه‌مامێ‌ و دانانا ڤاكسینێ‌ دژی كورۆنایێ‌ مرۆڤ دشێت كونترولێ‌ ل سه‌ر ڤایرۆسێ‌ كۆرۆنایێ‌ بكه‌ت “.

رێڤه‌به‌رێ‌ نه‌خۆشخانا كۆرۆنایێ‌ ل دهۆكێ‌ ئاشكرا كر كو: تووشبوویێن ره‌وشا وان نه‌جێگیر گه‌له‌ك دژیێ‌ 24 سالیێ‌ دانه‌ و هێشتا گه‌نجن و تووشی كۆرۆنایێ بووینه‌ ره‌وشا وان باش نینه‌ و گه‌له‌ك نه‌خۆش ژی ژیێ‌ وان د سه‌ر 60 سالیێ‌ دایه‌.

کۆمێنتا تە