راگه‌هاندن بوویه‌ قوربانیا سۆشیال میدیایێ‌

راگه‌هاندن بوویه‌ قوربانیا سۆشیال میدیایێ‌

12

دهۆك، هه‌رهین محه‌مه‌د:

ئه‌ڤین ئه‌حمه‌د، بێژه‌را ده‌نگۆباسان ل رادیۆیا دهۆك، د دیداركێ‌ دا بۆ رۆژناما ئه‌ڤرۆ گۆت: ئه‌ز ژنشكه‌كێ‌ ڤه‌ هاتمه‌ دناڤ راگه‌هاندنێ‌ دا، به‌لێ‌ نه‌ بۆ ب ده‌ستڤه‌ ئینانا پاره‌ی، یان به‌رنیاس بوونێ‌ و من حه‌فت سالان ب خۆبه‌خش ل ده‌زگه‌هێن راگه‌هاندنێ‌ كاركریه‌ و ده‌مێ‌ من دیتی ژنشكه‌كێ‌ ڤه‌ بۆ كارێ‌ من من خوه‌ پێگه‌هاند و هه‌كه‌ مرۆڤی ب پیرۆزی كارێ‌ خوه‌ كر وی ده‌می باشی دێ‌ مرۆڤی نیاسیت و من ڤیایه‌ ناڤێ‌ من ناڤه‌كێ‌ جوان بیت و په‌نجه‌مۆره‌ك بیت وه‌كو ناڤه‌ك بمینت ل پشت خوه‌ و خزمه‌ته‌ك كری و خزمه‌ته‌كێ‌ دكه‌م نه‌كو لایك و كۆمێنت بۆ من بهێتدسۆشیال میدیایێ‌ هه‌موو تشت داگیركرینه‌ و ئێدی راگه‌هاندن ژی بوویه‌ قوربانیا سۆشیال میدیایێ‌ و ل گه‌ل هندێ‌ باوه‌ری نه‌بوونا نوچه‌ی، چونكو ل ده‌زگه‌هێن مه‌ یێن كوردی و ل جیهانێ‌ هه‌موویێ‌ راگه‌هاندنه‌كا ئازاد نینه‌ ب تایبه‌تی ل كوردستانێ‌َ و را گه‌هاندنێن مه‌ یێن باش ده‌ستێن سیاسی تێدایه‌ و ئه‌ڤه‌ ژی بوویه‌ هه‌كه‌ هه‌ر كه‌ناله‌ك ل دووفسیاسه‌تا كه‌نالێ‌ خوه‌ ده‌نگو باسان چێكه‌ت و خه‌لكێ‌ مه‌ ژی یێ‌ تێر بووی ژ ڤێ‌ یه‌كێ‌ و ئه‌ڤ چه‌نده‌ ژی دبیته‌ ئه‌گه‌ر خه‌لكێ‌ مه‌ بێ‌ باوه‌ربیت ژده‌نگۆباسێن مه‌یێن راگه‌هاندنێ‌

ئه‌ڤینێ‌ گۆت: راگه‌هاندن ل سه‌ر ره‌وشه‌نبیریا خه‌لكی یه‌ و وه‌كو راگه‌هاندن وه‌كو ئاره‌زویه‌كێ‌ یه‌ خودێ‌ دده‌ته‌ مرۆڤی و دبیت گه‌له‌ك كه‌س هه‌بن حه‌زا كارێ‌ راگه‌هاندنێ‌ هه‌بیت، لێ‌ دبیت وی مافی نه‌ده‌تێ‌ خوه‌ هه‌كه‌ ئه‌كادیمی ژی بیت، ژبه‌ركو ئه‌و كه‌سێن راگه‌هاندنێ‌ ب ئه‌كادیمی دخوینن هه‌موو نابنه‌ راگه‌هاندكار و میدیاكارێن شاشه‌ و رادیۆ و رۆژنامان.

کۆمێنتا تە