ره‌مه‌زانێ‌ ل كیش ده‌می وه‌رزش بهێته‌ كرن؟

ره‌مه‌زانێ‌ ل كیش ده‌می وه‌رزش بهێته‌ كرن؟

8

وه‌رزشكرن ب باشترین كریار دهێته‌ دانان د هه‌یڤا ره‌مه‌زانێ‌ دا، چونكو مفایێن ئه‌رێنی و ساخله‌می ‏یێن بۆ له‌شی هه‌ین. هه‌ستی و زه‌بله‌كان چالاك دكه‌ت و مرۆڤی ژ دودلیێ‌ و بێزاریێ‌ د پارێزیت‎.‎

وه‌رزشكرن د هه‌یڤا ره‌مه‌زانێ‌ دا یا هاریكاره‌ بۆ مانا به‌ژن زراڤیا له‌شی ب ره‌نگه‌كێ‌ رێك و پێك، به‌لێ‌ باشترین ‏ده‌م بۆ وه‌رزشكرنێ‌ چ ده‌مه‌ د ره‌مه‌زانێ‌ دا؟ چونكو وه‌كو ده‌مێن ئاسایی نه‌شێی گه‌له‌ك وه‌رزشێ‌ بكه‌ی‎.‎

د هه‌یڤا ره‌مه‌زانێ‌ دا پێدڤیه‌ رۆژانه‌ وه‌رزشه‌كا چه‌ند ده‌قیقه‌ی بكه‌ی، به‌لێ‌ پێدڤیه‌ جورێ‌ لڤاندنێ‌ ل ‏گه‌ل شیانێن له‌شی بیت، داكو نه‌بیته‌ ئه‌گه‌رێ‌ بێهێزبوونا، وه‌كو رێڤه‌چوونا ب پێیان یان غاردان یان وه‌رزشا ‏ئایرۆبیك یان یا بلندبوونێ‌.‎

باشترین ده‌م بۆ وه‌رزشكرنێ‌ د هه‌یڤا ره‌مه‌زانێ‌ دا، یا ئێكێ‌ ده‌مژمێره‌كێ‌ یان ده‌مژمێر و نیڤان ‏پشتی فتارێ‌، دشیان دایه‌ نیڤ ده‌مژمێرێ‌ یان 15 ده‌قیقان بكه‌ی. هاریكاریا ده‌ركرنا ژه‌هرێ‌ ژ لاشی ‏دده‌ت و مرۆڤ هێمن دكه‌ت‎.‎

یا دوێ‌ ژی ئه‌نجامدانا وه‌رزشێ‌ یه‌ پشتی 2 یان سێ‌ ده‌مژمێران پشتی خوارنا فتارێ‌، چونكو پشتی ‏وی ماوه‌ی مه‌عیده‌ خوارنێ‌ هه‌رس دكه‌ت و له‌ش یێ‌ ئاماده‌یه‌ بۆ لڤینێ‌‎.‎

گه‌له‌ك یا پێدڤی یه‌ بۆ رۆژیگران سنوره‌كی بۆ وه‌رزشكرنێ‌ ب دانن د هه‌یڤا ره‌مه‌زانێ‌ دا، چونكو ‏زێده‌تری شیانێن خوه‌ ژی زیان یێن هه‌ین، بزاڤێ‌ بكه‌ ژ 15 هه‌تا 30 ده‌قیقان زێده‌تر نه‌بیت‎.‎

کۆمێنتا تە