رۆفاتێن دو وەلاتیان ل شنگالێ ھاتنە دیتن

رۆفاتێن دو وەلاتیان ل شنگالێ ھاتنە دیتن

23

دھۆک، لەزگین جۆقی:

وەلاتیەکێ قەزا شنگالێ بۆ رۆژناما ئەڤرۆ دیار کر، رۆفاتێن دو وەلاتیێن خەلکێ شنگالێ د ناڤ خانیەکێ خرابوویی دا ل شنگالێ ھاتنە دیتن.

مراد حەسەن، وەلاتیێ قەزا شنگالێ راگەھاند، ئەڤ ھەردو وەلاتیە د دەمێ جینۆسایدا شنگالێ دا ل سالا ٢٠١٤ێ د ناڤ خانیەکی دا ژلایێ تیرۆرستێن داعش ڤە ھاتبوونە کوشتن و گۆت: “بەری چەند رۆژان تەرمێ وان ھەردو قوربانیان د ناڤ خانیەکێ خرابوویی دا ھاتینە دیتن کو ب تنێ ھەستیێن وان مابوون”.

وی وەلاتی گۆتژی: “ناسنامێن ھەردو قوربانیان ئاشکرابووینە، ئەو ژی ژنەکە ب ناڤێ (خنسا قاسم رەشۆ) و زەلامەکە ب ناڤێ (عەلی خدر رەشۆ) تیرۆرستێن داعش خانیێ وان ب سەر وان دا پەقاندبوو و مابوونە د بنڤە”.

ناڤھاتی ئاشکرا ژی کر، ئەڤ ھەردو روفاتێن وەلاتیێن ئێزدی ژلایێ خێزانەکا شیعە ڤە ل شنگالێ ھاتینە دیتن.

کۆمێنتا تە