رۆنالدو: ده‌م هات خاترا خوه‌ ب خازم

رۆنالدو: ده‌م هات خاترا خوه‌ ب خازم

15

ستێرا ته‌پا پێ‌ یێ‌ پورتۆگالی و یانا یۆڤانتۆس یا ئینالی كرێستیانۆ رۆنالدو حه‌ز دكه‌ت وه‌رزێ‌ ئه‌ڤ ساله‌ ل گه‌ل یانا خوه‌ ب دووماهی بینت و به‌ره‌ ب یانه‌كا دی بچیت.

لدویڤ رۆژناما لاگازیتا دیلۆ سپۆرت یا ئیتالی رۆنالدۆیی بریكارێ‌ خوه‌ خورخی میندیز ئاگه‌هداركریه‌ كو وه‌رزێ‌ ئه‌ڤ ساله‌ دووماهی ب گرێبه‌ستا خوه‌ ل گه‌ل بیانكۆنێری ئینت و به‌ره‌ ب یانه‌كا دی چیت پشتی بۆ ماوێ‌ سێ‌ وه‌رزان نه‌شیایی د چامپیونز لیگ دا چو ده‌ستكه‌فتان ب ده‌ستڤه‌بینن، ستێرا پۆرتۆگالی گوت: هه‌رچه‌نده‌ یاریكرن ل گه‌ل یۆڤانتۆس كاروانه‌كێ‌ باش بوو لێ‌ ده‌م هات خاترا خوه‌ ب خازم و دێ‌ نێزكترین ده‌م دا یانا خوه‌ یا بهێت دیاركه‌م.

لدیڤ ژێده‌رێن رۆژنامه‌ڤانی ل فره‌نسا بابه‌تێ‌ رۆنالدویی ل گه‌ل یانا پاریس سانجێرمان بوویه‌ ته‌وه‌ره‌كێ‌ گه‌رم تایبه‌ت ئه‌وان ده‌نگۆباسێن چوونا ستێرا یانا پاریسی كێلیان ممبایی بۆ ئێك ژ خولێن ئسپانیا یان ئنگلیزێ‌ و ژلایه‌كێ‌ دیڤه‌ خێزانا وی جورجینا ل پایته‌ختێ‌ فره‌نسا هاتیه‌ دیتن ژبۆ لێگه‌ریانا خانیه‌كی بۆ ڤه‌حه‌واندنێ‌، ئه‌ڤ هه‌ردو بابه‌ته‌ ژ خالێن سه‌ره‌كی یێن هاتنا وی بۆ سانجێرمانێ‌ نه‌.

بۆ زانین كریستانۆ رونالدویی 39 یاری ل گه‌ل یانا یۆڤانتۆس د هه‌موو خول و قاره‌مانیان دا ئه‌نجامداینه‌ و 32 گۆل تۆماركرینه‌ و چار گۆل ژی بۆ هه‌ڤالێن خوه‌ چێكرینه‌.

کۆمێنتا تە