ریال ب چەقێ شکەستی دێ بیتە مێڤانا ئەتلانتا

ریال ب چەقێ شکەستی دێ بیتە مێڤانا ئەتلانتا

26

ئەڤرۆ،

چاڤەڕێ دھێتەکرن ئەڤرۆ دو یاریێن دی یێن چوارچووڤێ ھەڤڕکیێن قۆناغا ١٦ێ یا قارەمانیا یانێن ئورۆپا قارەمانێن خولا چامپیونز لیگ بھێنە ئەنجامدان ئەوا دێ ل دەمژمێر ١١ێ شەڤ ھەردو وەلاتێن ئیتالیا و ھنگاریا مێڤانداریا وێ کەن.

  • ئەتلانتا – ریال مەدرید

دەلیڤەکا زێرین د دەستێ خودانێن ئەردی یانا ئەتلانتا یا ئیتالی دایە دەمێ مێڤانداریا یانا ریال مەدرید یا ئسپانی ل یاریگەھا جیویس ھێتەکرن، یانا ریالێ د دەمەکێ ھەستیار دایە ژبەر نە پشکداریا نەە یاریزانێن وێ  ژبەر ھنگافتن و دوورکەفتنێ ئەوژی، سێرجیو رامۆس، دانی کارڤاخال، کەریم بنزیما، ئێدین ھازارد، مارسیلۆ دا سیلڤا، فیدی ڤالڤێردی، ئێدیر میلیتاو، ئالڤارۆ ئۆردیوزۆلا و رۆدرێگۆ کو دبیتە دەلیڤەکا باش یانا ئەتلانتا مفایی ژڤان کێماتیا وەربگریت و سەرکەفتنێ تۆماربکەت، سەرباری ڤێ یەکێ مێژوویا راھێنەرێ یانا ئسپانی زێنەدین زێدانی ل گەل یانێن ئیتالی ھەموو ب سەرکەفتن بووینە کو ھەر ژ سالا ٢٠١٥ دەمێ ئەرکێ راھێنەراتیێ وەرگرتی و شیایە ژ نەە یاریان ھەشت سەرکەفتنان تۆماربکەت ھەمبەر خووسارەتیەکێ و رێژا ٢٤ گۆل تۆمارکرینە ھەمبەری وێ نەە گۆل لسەر ھاتینە تۆمارکرن، ل گەل یانا یۆڤانتۆس سی یاری ئەنجامداینە ب دو سەرکەفتن و خووسارەتیەک، ل گەل ھەر ئێک ژ ئەنتر میلان، رۆما و ناپۆلی دو سەرکەفتن تۆمارکرینە، لێ د یاریا ئەڤ شەڤە دا  کاودان یا جودابیت بۆ ریال مەدرید ئەوا دێ  کەفیتە لبن گڤاشتنێن مەزن و رێژا بلند یا دوورکەڤتنا یاریزانان کارتیکرنا خوە دێ لسەر پلانێن راھێنەری ھەبن، یانا ئەتلانتا ئەوا ل خولا کالیچیو دا ئەنجامێن باش بدەستڤەئیناین و ب٤٣ خالان رێزا چارێ دھێت دێ ھەموو بزاڤا کەت ب زاخا بلند  کو مفایی ژ کاودانێن ریال وەربگریت و دناڤ  ئەردێ خوە دا سەرکەفتنێ تۆماربکەت.

  • برۆسیا مۆنشنگلادباخ – مانچستەر ستی

یاریگەھا بۆشکاش ئارینا ل باژێرێ بۆدابێست یا وەلاتێ ھنگاریا ئەوا ژلایێ ئێکەتیا تەپاپیێ یا ئورۆپا وەکو یاریگەھا بیێ لایەن ھاتیە دەستنیشانکرن بۆ ئەنجامدانا یاریا دناڤبەرا مۆنشنگلادباخ یا ئەلمانی و مانچستەر ستی یا ئنگلێزی، پشتی وەلاتێ ئەلمانیا ژبەر مەترسیا بەلاڤبوونا ڤایروسێ کورۆنایێ و خوە پارستن ھاتنوچوون قەدەغەکریە، مان ستی ئێک ژ بھێزترین یانێن ئنگلیزی و بەربژێرە بۆ ناسناڤێ چامپیۆنز لیگ دێ ب لەشکەرەکێ خودان چەک ژ ھێز و شیانێن چەستەیی و ھونەری ھێتە دناڤ یاریێ دا ب سەرکرایەتیا کیڤن دی بروین، فیران تۆریس، رەحیم سترلینگ، ئیلکای گۆندۆکان و ب سەرپەرشتیا راھێنەرێ خوە یێ ئسپانی پیب گۆاردیولایی ئەوێن شیاین د خولا پریمەرلیگدا ٥٩ خال کۆمبکەن و سەرێ لیستێ دھێن، لێ ھەمبەری وێ یانا برۆسیا مۆنشنگلادباخ ئەوا دەمەکێ نەباش دەربازدکەت ل خولا ئەلمانیا بتنێ ٣٣ خال ژ ٢٢ یاریان کۆمکرینە و رێزبەندیا ھەشتێ دھێت ئەڤچەندە گڤاشتن لسەر راھێنەرێ وێ مارکۆ روسی پەیداکرینە و کارگێریا یانێ ھوشداریا دووماھیێ دایی ھەکە ئەنجامێن وێ بڤی رەنگی بمین ندێ ھێتە لادان، ھێرشبەرێ وێ لارس ستیندل ئەرکێ تیما خوە ب زەحمەت دبینیت ھەمبەری تیمەکا پری ستێر و خودان شیان و ھەمان دەمدا سەرکەفتنا یانا ئەلمانی ب دوورنابینیت ئەگەر بدروستی پلانێن راھێنەری بجھبینن، لێ میّژوو و ھەلسەنگاندنا ئاستێ ھەردو یانا د بەرژوەندیا یانا مانچستەر ستی دایە لدیڤ ئاماران چار یاریا ھەمبەری ئێک بووینە د سێ یاریان دا مان ستی سەرکەفتن بدەستڤەئینایە و یاریەک وەکھەڤی دووماھی ھاتیە و یانا ئنگلێزی ١١ گۆل و یا ئەلمانی چار گۆل تۆمارکرینە، ھەرچەندە پێشبینیێن بھێز بۆ سەرکەفتنا یانا ئنگلێزی دچین لێ پشتی فیرکا دادڤانێ یاریێ دێ ئەنجامێ دروست دیاربیت.

کۆمێنتا تە