زاخۆ نەڤێت رێزا شەشێ ژ دەست بدەت

زاخۆ نەڤێت رێزا شەشێ ژ دەست بدەت

14

زاخۆ،عەلی حاجی :

ب ئارمانجا پاراستنا رێزا خوە یا شەشێ ئەڤرۆ دەمژمێر دو پشتی نیڤرۆ تیما تەپاپیێ یا یانا زاخۆ دێ بیتە مێڤانا یانا کەرخ یا بەغدایی ژ چارچووڤێ ھەڤڕکیێن گەڕا ئێکێ یا قوناغا دوێ ژ خولا پلا نایابا عێراقێ ئەوێن دێ بۆ سەرکەفتنێ و سێ خالان ھێنە دناڤ یاریێ دا.

لدۆر دووماھی بەرھەڤیێن زاخۆ یاریزان رەمەزان سەدیق بۆ رۆژناما ئەڤرۆ گۆت: سەرباری ئاستەنگ و گڤاشتنێن یاریێن بوری لسەر تیمێ و کاوادنێن ھاتینە پێش یاریا ئەڤرۆ ب سانەھی نابیت ھەمبەری تیمەکا رێکوپێک و خودانێن ئەردی لێ ئەم رژدین بتنێ بۆ سەرکەفتنێ یاریێ بکەین پێخەمەت دەستپێکەکا بھێز ژبۆ دوورکەفتن ژ وان گڤاشتنێن لسەر تیمێ ھاتینەکرن تایبەت چوونا راھێنەرێ بەرێ ئەحمەد سەلاحی، یا گرنگ نوکە تیم د رەوشەکا باش دایە تایبەت ژلایێ دەرونی ڤە و پشتەڤانیا ماددی یا سەروکێ حکومەتێ ھێزەکا دی دایە تیمێ کو ب ھیڤییا وێ یەکێ زاخۆ بەردەوام ھەڤڕکیان بکەت.

ھەروەسا ناڤھاتی گوت: کاروانێ خولێ یێ درێژە دڤێت ل قۆناغا دوێ خالان ژ دەست نەدەین و ئارمانجا خوە بجھبینین و قەرەبوویا خالێن قۆناغا ئێکێ بکەین سەرباری ئەرکێ مە بزەحمەت بیت، لێ نوکە مە ھزرا ڤێ یارێ کریە و ھەموو یاریزان بەرھەڤن بھیڤیا ئەنجامەکێ باش وەکو دەستپێک بۆ ڤەگەڕاندنا ھێزا زاخۆ.

ژ یاریێن ئەڤرۆ، کارەبا- جەویە، سیناعات- نەفت، سەماوە- نەفت وەسەت، میسان- ئەلقاسم، نەجەف- دیوانیە، بۆ زانین تیما یانا زاخۆ ب ٢٩ خالان رێزا شەشێ دھێت و کەرخ ب ٢٢ خالان رێزا ١١ێ یە ئەوا یانا جەویە ب ٤١ خالان سەرێ لیستێ دھێت.

کۆمێنتا تە