زیاد ئه‌حمه‌د: رژدین دوباره‌ سه‌ركه‌فتنێ‌ تۆماربكه‌ین

زیاد ئه‌حمه‌د: رژدین دوباره‌ سه‌ركه‌فتنێ‌ تۆماربكه‌ین

4

ئه‌ڤرۆ،

بڕیاره‌ ئه‌ڤرۆ و سوبه‌هی پێنچ یاریێن دی ژ گه‌ڕا 29ێ‌ یا خولا پلا نایابا عیراقێ‌ یا ته‌پا پێ‌ بهێنه‌ ئه‌نجامدان، هه‌ردو یانێن كوردستانێ‌ زاخۆ و هه‌ولێر دێ‌ ژ ده‌رڤه‌یی یاریگه‌ها خوه‌ بنه‌ مێڤانێن یانێن به‌غدا و به‌سرایی ب هیڤی و رژدی بۆ ده‌ستڤه‌ئینانا سێ‌ خالێن یاریێ‌.

ژ یاریێن ئه‌ڤرۆ تیما یانا هه‌ولێر دێ‌ بیته‌ مێڤانا یانا مینا د یاریه‌كا بهێز دا، خودانێن ئه‌ردی ئه‌وا یاریا ئێكێ‌ دا شیابوو خاله‌كێ‌ ژ یاریگه‌ها فرانسۆ حه‌ریری ده‌ركه‌ڤیت دێ‌ بزاڤێ‌ كه‌ت دناڤ ئه‌ردێ‌ خوه‌دا سه‌ركه‌فتنێ‌ تۆماربكه‌ت و جوداهیا خالان بورینت ئه‌وا هه‌ردو یانه‌ ب 32 خالان رێزێن 12و 13ێ‌ لدیڤ ئێك دهێن، كوڕێن قه‌لا و مناره‌ ناهێلین چو خالان ژ ده‌ست بده‌ن و ئارمانجا وان سه‌ركه‌فتنه‌.

ژلایێ‌ خوه‌ڤه‌ نوونه‌را پارێزگه‌ها دهۆكێ‌ یانا زاخۆ سوبه‌هی دێ‌ بیته‌ مێڤانا سیناعات، كوڕێن خابیری ئه‌وا د یاریا ئێكێ‌ دا دناڤ ئه‌ردێ‌ خوه‌ دا سه‌ركه‌فتن تۆماركری ب گۆله‌كێ‌ بێی به‌رامبه‌ر ب هیڤی نه‌ ب سه‌رپه‌رشتیا راهێنه‌رێ‌ نوو عه‌بدولوه‌هاب ئه‌بولهێل سێ‌ خالێن دی ژی بده‌ستڤه‌بینن، زاخۆ ب 40 خالان رێزا شه‌شێ‌ و هه‌مبه‌ری وێ‌ یانا سیناعات خودانا 27 خالانه‌ رێزبه‌ندیا 16ێ‌ دهێت.

د داخویانیه‌كێ‌ دا زیاد ئه‌حمه‌د هێرشبه‌رێ‌ یانا زاخۆ بۆ رۆژناما ئه‌ڤرۆ گوت: یاریا ئه‌ڤرۆ گرنگیه‌كا تایبه‌ت هه‌یه‌ ژبۆ پاراستنا رێزا خوه‌ و دووركه‌فتن ژ هه‌ڤڕكێن خوه‌، له‌ورا ب هه‌موو هێزا هێنه‌ دناڤ یاریێ‌ دا و رژدین بۆ سه‌ركه‌فتنێ‌ دوباره‌ بكه‌ینه‌ڤه‌ سه‌رباری یانا سیناعات ب پێكهاتیه‌كێ‌ گه‌نجه‌ و خوین گه‌رمه‌ و ئه‌ركێ‌ مه‌ ب سانه‌هی نابیت.

بۆ زانین جه‌ویه‌ سه‌رێ‌ لیستا خولێ‌ دهێت ب 59 خالان، زه‌ورا ب 52 خال، نه‌جه‌ف 51، شورته‌ 49 و نه‌فت وه‌سه‌ت 48 خالان رێزێن دویێ‌ هه‌تا پێنجێ‌ دهێن.

کۆمێنتا تە