زیاد ئیبراهیم: ئه‌نجامێن لاواز ئه‌گه‌رێ‌ دوورئێخستنا راهێنه‌ری بوو

زیاد ئیبراهیم: ئه‌نجامێن لاواز ئه‌گه‌رێ‌ دوورئێخستنا راهێنه‌ری بوو

3

د داخویانیه‌كێدا سه‌رۆكێ‌ یانا شێخان بۆ رۆژناما ئه‌ڤرۆ دیاركر ژبه‌ر ئه‌نجامێن لاواز و سستاهی د كارێ‌ خوه‌ دا نه‌چاربووین راهێنه‌رێ‌ تیما خوه‌ یا ته‌پا پێ‌ سه‌عه‌د عه‌لی دووربێخین و ب ئارمانجا هه‌ڤڕكیێ‌ دێ‌ پشكداری خولا پلا دو یا كوردستانێ‌ بین.

زێده‌تر زیاد ئیبراهیم گوت: هه‌ر ژ ده‌ست ب كاربوونا راهێنه‌رێ‌ به‌رێ‌ سه‌عه‌د عه‌لی مه‌ ئاگه‌هدار كربوو كو ئارمانجا مه‌ د خولا پلا دو یا عیراقێ‌ و كوردستانێ‌ دا ده‌ربازبوونه‌ بۆ پلا ئێك و دێ‌ هه‌موو بزاڤا كه‌ین لدیڤ شیانێن خوه‌ بۆ ڤێ‌ پێنگاڤێ‌ به‌رده‌وامبین، لێ‌ مخابن ژبه‌ركو راهێنه‌رێ‌ ناڤهاتی نه‌شیا یا پێدڤی ئه‌نجامبده‌ت و هیڤیێن مه‌ د خولا پلا دویێ‌ یا عیراقێ‌ لاواز كرن دیسان د كارێ‌ خوه‌ دا سستاهی دكر سه‌رباری هۆشداریا مه‌ له‌ورا نه‌چاربووین ده‌ستا ژێ‌ به‌رده‌ین و جهێ‌ وی راهێنه‌ر زیاد مه‌حمود ده‌ست نیشانبكه‌ین پێخه‌مه‌ت ئارمانجا مه‌ یا دویێ‌ ئه‌وژی ده‌ربازبینه‌ خولا پلا ئێكا كوردستانێ‌.

ژلایه‌كێ‌ دیڤه‌ ناڤهاتی ئه‌ركێ‌ تیما خوه‌ ب سانه‌هی نابینت لێ‌ رژدن بۆ پلێتا ده‌ربازبوونێ‌ و گوت: كۆما مه‌ پێكهاتیه‌ ژ قه‌لادز، ره‌واندۆز، هێرش، مه‌خمور و دێ‌ هه‌ڤڕكیێ‌ بۆ رێزێن ئێكێ‌ و دویێ‌ كه‌ین پێخه‌مه‌ت ده‌ربازبوون بۆ قۆناغا 16ێ‌، هه‌كه‌ شیاین ژ قۆناغا كۆما ده‌رباز بین گه‌شبینم دێ‌ ئێك ژ هه‌شت پلێتێن ده‌ربازبوونێ‌ بۆ پلا ئێكێ‌ وه‌رگرین لێ‌ ئه‌ركێ‌ مه‌ بزه‌حمه‌ته‌ له‌ورا مه‌ به‌رهه‌ڤیێن باش كرینه‌ و چار یاریزان ژ باژێرێ‌ ئاكرێ‌ و دو ژ مووسلێ‌ ئیناینه‌ سه‌رباری بارێ‌ دارایێ‌ یێ‌ لاواز لێ‌ ب سۆپاسی ڤه‌ پارێزگارێ‌ دهۆكێ‌ عه‌لی ته‌ته‌ر پشته‌ڤان بوویه‌ و هیڤییا مه‌ ئه‌وه‌ پشته‌ڤانی به‌رده‌وامبیت پێخه‌مه‌ت گه‌نج و لاوێن شێخان ژی ب وه‌رزشا ته‌پا پێ‌ د خولا كوردستانێ‌ دا شادبن و ئه‌م رژدین بۆ ئارمانجا خوه‌ ژبۆ پێشخستنا وه‌رزشا باژێرێ‌ شێخان و ده‌وروبه‌ران.

کۆمێنتا تە