زێده‌تری چار هزار ئاڤاهی ل شێخان چاڤه‌رێ‌ تاپۆكرنێ‌ نه‌

زێده‌تری چار هزار ئاڤاهی ل شێخان چاڤه‌رێ‌ تاپۆكرنێ‌ نه‌

3

شێخان، بارزان مزووری:

پشتی سالا 2017 و هه‌تا نوكه‌ د ناڤ سه‌نته‌رێ‌ باژێرێ‌ شێخان زێده‌تری چار هزار ئاڤاهی لێ‌ هاتینه‌ ئاڤاكرن، هه‌روه‌سا شێخان پێدڤی ب 10 ملیار دینارایه‌ هه‌تا رێكێن ڤان تاخا بهێن دروستكرن دگه‌ل دروست كرنا ئاڤ رێژێن وان دا ئه‌و خه‌لك ئاشنابن ژ وان خزمه‌تگوزاریان، هه‌تا نوكه‌ ئه‌و وه‌لاتیێن خانی ئاڤاكرین چاڤه‌رێ‌ تاپوكرنا خانیێن خونه‌ ژ به‌ردوو ئیداره‌یێ‌ هه‌بونا دوو باژێرڤانیا یا دهوك و مووسل ئاسته‌نگ بۆ وه‌لاتیان دروست بووینه‌.

ئه‌ندازیار خالد نه‌رمۆ، سه‌رۆكێ باژێرڤانیا شێخان بۆ رۆژناما ئه‌ڤرۆ دیار كر، شێخان ل 2003 باژێره‌ك ب شه‌ش تاخا پێك دهات و نها كرینه‌ 20 تاخێن سه‌رده‌م، رێژه‌یا ئاڤاهیا و ئاڤه‌دانیێ‌ و پێدانا موله‌تێن ئاڤه‌دانكرنێ‌ زێده‌بوویه‌، پشتی 2017 زێده‌تری چار هزار ئاڤاهی ل شێخان هاتینه‌ ئاڤاكرن ژ به‌ر هه‌بوونا ئارامیه‌ك باش ب تایبه‌ت پشتی تێكشاندنا رێكخراوا تیرۆرستی یا داعش و تێكچوونا ره‌وشا ئه‌منی یا مووسل و ده‌شتا مووسل هه‌موو پێكهاتێن ده‌وروبه‌رێن مووسل قه‌ستا شێخان كرینه‌ و خانی لێ‌ ئاڤاكرینه‌.

ناڤهاتی خویاكر: زێده‌بوونا تاخ و دانا موله‌تێن ئاڤه‌دانكرنێ‌ یێن خزمه‌تگوزاری دڤێن ئه‌وا حكومه‌تا هه‌رێما كوردستانێ‌ كری تا راده‌یه‌كێ‌ باش خزمه‌تگوزاری پێشكێش كرین لێ‌ ژبه‌ر ڤێ‌ به‌رفره‌هبوونا ژ نیشكه‌كێ‌ ڤه‌ زێده‌بوی رێژه‌كا مه‌زن یا ئاڤاهی و تاخا هاتینه‌ دروست كرن پێدڤی ب خزمه‌تگوزاریایه‌، ب تنێ‌ بۆ رێیێن تاخێن نافخۆ ئه‌وێن نوی هاتین ئاڤاكرن پێدڤی ب 10 ملیار دینارایه‌ هه‌تا رێیێن ڤان تاخا بهێن دروست كرن دگه‌ل دروستكرنا ئاڤرێژێن وان، دا ئه‌و خه‌لك ئاشنابن ژ وان خزمه‌تگوزاریان.

ئه‌ندازیار دیار به‌حری، رێڤه‌به‌رێ‌ گشتیێ‌ باژێرڤانیا ل پارێزگه‌ها دهوك بۆ رۆژناما ئه‌ڤرۆ دیار كر، ل سنورێ‌ قه‌زا شێخان چار پرۆژه‌ كۆ گرێدای ب باژێرڤانیا مه‌ڤه‌نه‌ ب كۆژمێ‌ ئێك ملیار و 500 ملیون دینارا هاتینه‌ دابین كرن و رازومه‌ندی یا بۆ هاتیه‌ دان كۆ رێیێن نافخۆی یێن ناحیا كه‌له‌كچی بهێنه‌ دروست كرن ب كۆژمێ‌ 720 ملیون دینارا و رێكێن نافخۆ یێن ناحیا باعه‌درێ‌ ب كۆژمێ‌ 100 ملیون دینارا و رێكێن نافخۆ یێن ناحیا قه‌سرۆك ب كۆژمێ‌ 405 ملیون دینارا دگه‌ل كومه‌لگه‌ها چره‌ دێ‌ هنده‌ك رێكێن نافخۆ هێنه‌ چێكرن.

ناڤهاتی خویاكر، مه‌ چه‌ندین جاران دایه‌ دیار كرن كۆ ئه‌نجومه‌نێ‌ وه‌زیران فه‌رمان دایه‌ وه‌زاره‌تا شاره‌وانی بابه‌تێ‌ تاپۆكرنێ‌ پێداچوونێ‌ بۆ بكه‌ت و وه‌زاره‌تا شاره‌وانیێ‌ لیژنه‌ك دامه‌زراندیه‌ ل ڤێ‌ دوماهیێ‌ ئه‌كتیف بوویه‌ و كاركریه‌ و داتا كومكرینه‌ و دێ‌ كومه‌كا پێشنیارا ده‌نه‌ ئه‌نجومه‌نێ‌ وه‌زیران ل گۆره‌ی شیانێن خۆ، ئه‌و ژی دێ‌ بریاره‌كا گونجای ده‌ن.

ناڤهاتی گۆت: ل سنورێ‌ پارێزگه‌ها دهوك 27 هزار خانی یێن زێده‌گاڤی هاتینه‌ توماركرن بۆ تاپۆكرنێ‌ و هنده‌ك پێرابوون یێن رێڤه‌چوینه‌، ژ به‌ر كۆ هنده‌ك كێم و كاسی هه‌بون و نوكه‌ بزاڤ هاتینه‌ كرن ئه‌و یاسا بهێته‌ هه‌مواركرن و ئه‌م ژی چاڤه‌رێ‌ وێ‌ چه‌ندێینه‌ كۆ هه‌تا نوكه‌ هنده‌ك خانی هاتبوونه‌ تاپۆكرن و هه‌تا نوكه‌ چو خانی نه‌هاتینه‌ تاپۆكرن.

کۆمێنتا تە