سالح کەکۆ: ژ دەستدانا سۆپەرا عیراقێ ھۆژداریە بۆ یاریزانێن پارێزگەھێ

سالح کەکۆ: ژ دەستدانا سۆپەرا عیراقێ ھۆژداریە بۆ یاریزانێن پارێزگەھێ

15

ئەڤرۆ،

پێنچ یاریزانێن یانێن پارێزگەھا دھۆکێ ناسناڤێ قارەمانیا سۆپەرا عیراقێ بۆ یاریا کیک بۆکسینگێ ژ دەستدان، پشتی د ھەڤڕکیێن وان دا ئەوا ل ئەینیا بوری ب پشکداریا یاریزانێن ھەلبژارتیێ عیراقێ و باشترینێن دەڤەرێن باکۆر و باشۆر و ناڤەراستا عیراقێ ل باژێرێ سلێمانیێ ھاتیەکرن.

یاریزانان پشکدار ئەوژی، سێ ژ یانا دھۆک عەلی عزەت بۆ کێشا ٧١کگم، دلۆڤان جەمال ٦٠ کگم، حەسەن مستەفا +٩١ کگم، یاریزانێ زاخۆ موخلس کروشرۆ ٥١ کگم و یاریزانێ ئامێدیێ وەلید محەمەد بۆ کێشا -٩١ کگم، ھەموو یاریزانان رێزێن دوێ بدەستڤەئینانا و وەکو یاریزانێن یەدەک بۆ ھەلبژارتیێ عیراقێ ھاتنە دەستنیشانکرن.

لدور ڤان ئەنجامان سالح کەکو راھێنەرێ ھەلبژارتیێ پارێزگەھێ و یانا دھۆکێ بۆ رۆژناما ئەڤرۆ گوت: قارەمانیا سۆپەرا عیراقێ ژ بھێزترین قارەمانیێن وەرزێ ئەڤ سالە بوو و یاریزانێن سەر ئاستێ پیشەکار ھەڤڕکی بۆ ناسناڤی و پلێتا ھەلبژارتیێ عیراقێ دکرن کو لسەر دوازدە کێشان و دێ لدیڤ سیستەمێن نێڤدەولەتی بوون ئەوژیfull contact. K١. semi contact ، سەرباری بەرھەڤیێن یاریزانێن پارێزگەھێ لێ تێرا وێ چەندێ نەکر کو بھێزتر بھێنە دناڤ ھەڤڕکیان دا.

ژلایەکێ دیڤە ناڤھاتی ئەوچەندە ژی دیارکر کو ژ دەستدانا قارەمانیا سۆپەر نە دووماھیا ئۆمێد و ھیڤییا نە لێ ھوژداریەک دا یاریزانێن مە بۆ قارەمانیێن بھێت باشتر خوە بەرھەڤبکەن ژبەرکو ل نیسانا بھێت دێ پشکداری قارەمانیەکا دی بن و دەلیڤەکا دی ل بەردەستە ژبۆ ڤەگەڕاندنا ناڤ و رێزبەندیا خوە ل گەل ھەلبژارتیێ عیراقێ پێخەمەت پشکداریێن عەرەبی و نێڤدەلەتی دا بکەن.

کۆمێنتا تە