سه‌رباركێن كۆرۆنایێ‌ یێن دۆمدرێژ

سه‌رباركێن كۆرۆنایێ‌ یێن دۆمدرێژ

1

د.وه‌لید ره‌شید ئاكره‌ی:

ڤه‌كولینێن زانستی یێن به‌رده‌وامن بو دیتنه‌ڤا سه‌رباركێن كۆرۆنا(مچاعفات) یێن نوی و دومدرێژ كو نه‌خوشێ‌ كۆرۆنایێ‌ بو ده‌مێ‌ چه‌ند روژا یان چه‌ند حه‌فتیه‌كا  یان حه‌تا چه‌ند هه‌یڤه‌كا  تووشی چه‌ند ئاریشێن ساخله‌میێ‌ دبن، یا خویایه‌ كو زوربه‌ی نه‌خوشێن كۆرۆنایێ‌ ب دروستی چێدبنه‌ڤه‌، به‌لێ‌ چونكو ژماره‌كا كوئه‌ندامێن له‌شێ‌ مروڤی نه‌ ب تنێ‌  ( سیهـ ) تووشی ڤایروسا كۆرۆنایێ‌ دبن، له‌ورا ژماره‌كا سه‌رباركێن جوره‌وجور  لسه‌ر له‌شێ‌ مروڤی خو دیاردكه‌ن  ژوان سه‌رباركان ژی:

1- خاڤبوونا له‌شی یا به‌رده‌وام.

2- ته‌نگه‌ نه‌فه‌سی.

3- كوخكه‌كا به‌رده‌وام.

4- ئێش و ئازارێن جومكا (مفاصلا).

5- سینگ ئێشان.

هنده‌ك سه‌رباركێن دی بو ده‌مه‌كێ‌ درێژ دمینن ژوانا:

1- كێمبوونا شیانێن هزری نك نه‌خوشێ‌ تووشی كۆرۆنایێ‌ بووی.

2- خه‌مگینی (كأبه‌).

3- ئێشانا ماسولكێن له‌شی.

4- سه‌رئێشان.

5- زێدەبوونا لێدانێن دلی.

دیسا كۆرۆنایێ‌ هنده‌ك سه‌رباركێن ب مه‌ترسیدار ودۆمدرێژ هه‌نه‌ ژوان :

1- كولبوونا ماسولكا دلی.

2- ئاریشێن هه‌ناسه‌كرنێ‌ .

3- برینداركرنا گولچیسكا.

4- وه‌ریانا پرچێ‌ و سۆربوونا پیستی.

5- نه‌مانا هه‌ستێن بهێنكرنێ‌ و تامكرنێ‌، ئاریشێن نڤستنێ‌ وه‌كی خه‌وره‌ڤینێ‌، لاوازبوونا شیانێن هزری وبیردانكێ‌.

6- ته‌شه‌نێن ده‌روونی وه‌كی خه‌موكیێ‌، دودلیێ‌ و گوهرینێن زه‌وقی (موود).

دومدرێژیا ڤان سه‌رباركا هه‌تا نوكه‌ دیارنینه‌، به‌لێ‌ لێڤه‌كولینێن سه‌نته‌رێ‌ كونترولكرنا نه‌خوشیێن ڤه‌گر CDC دێ‌ یێن به‌رده‌وام بن ودێ‌ هێنه‌ نووكرن بو پتر شاهره‌زكرنا نۆشدارێن چاره‌سه‌ركه‌ر و دووفچوونا وان سه‌رباركان.

کۆمێنتا تە