سه‌عه‌د خالد: وه‌لاتیێن هه‌رێمێ ژ شه‌رێ په‌كه‌كێ و توركیا بێزار بووینه‌

سه‌عه‌د خالد: وه‌لاتیێن هه‌رێمێ ژ شه‌رێ په‌كه‌كێ و توركیا بێزار بووینه‌

14

ئه‌ندامه‌كێ سه‌ركردایه‌تیا حزبا زه‌حمه‌تكێشێن كوردستانێ، راگه‌هاند، وه‌لاتیێن هه‌رێما كوردستانێ ژ شه‌رێ چه‌كدارێن په‌كه‌كێ و توركیا وه‌ستیان و بێزار بوون و ب دیتنا وی پێدڤیه‌ ئه‌و شه‌ره‌ ل وی جهی بهێته‌ كرن، كو ململانێیا وان ل سه‌ر.

سه‌عه‌د خالد، ئه‌ندامێ سه‌ركردایه‌تیا حزبا زه‌حمه‌تكێشێن كوردستانێ، گۆت” شه‌رێ په‌كه‌كێ و توركیا په‌یوه‌ندی ب هه‌رێما كوردستانێ ڤه‌ نینه‌، ل سه‌رده‌مێ دیفاكتۆیا كوردستانێ و پشتی شه‌رێ ناڤخوه‌یی و پرۆسا ئازادیا عیراقێ ژی، ئه‌و ململانێیه‌ وه‌كو درێژه‌پێده‌را شه‌ری هاته‌ ڤه‌گوهاستن بۆ هه‌رێما كوردستانێ”.

دووپاتكر ژی كو ژ ئه‌گه‌رێ ڤی شه‌ری، زیانه‌كا مه‌زن گه‌هشته‌ وه‌لاتیێن هه‌رێما كوردستانێ و خه‌لك ئاواره‌ بوو و پشكه‌ك ژ وان ژ جهێن خوه‌ ئاواره‌ بوون و نه‌شێن لێ بژین، حزبێن هه‌رێما كوردستانێ و حوكمه‌تا هه‌رێما كوردستانێ ژی لایه‌نگر نه‌بوونه‌ و دخوازن ب ئاشتیانه‌ ئه‌ڤ ململانێیه‌ بهێته‌ چاره‌سه‌ركرن، چونكه‌ دیاربوو ئه‌ڤ پرسه‌ ب شه‌ری ناهێته‌ چاره‌سه‌ركرن”.

دیاركر ژی” نابیت هه‌رێما كوردستانێ ببیته‌ مه‌یدانا ڤی شه‌ری، كو زیاندارێ ئێكێ ژی به‌ری حوكمه‌تێ و حزبان، خه‌لك بوو، هه‌روه‌سا وه‌لاتیێن هه‌رێما كوردستانێ ژی دخوازن ئه‌و شه‌ر و ململانێیه‌ بۆ وێ مه‌یدانێ بهێته‌ ڤه‌گوهاستن ئه‌وا شه‌ر بۆ وێ دهێته‌ كرن”.

کۆمێنتا تە