سیکسی ١٠ جۆرێن نەخۆشیان چارە دکەت

سیکسی ١٠ جۆرێن نەخۆشیان چارە دکەت

2930

ھەڤبەندیا سیکسی نە بتنێ پێدڤیەک و خۆشیەکە، بەلێ مفایێن گەلەک مەزن بۆ ساخلەمیا مرۆڤی تێدا ھەنە کو مرۆڤ ھزر ژێ ناکەت و دبیت باوەر ژی نەکەت. ئەنجامدانا ھەڤبەندیا سیکسی شیانێن چارەکرنا پاراستنا مرۆڤی ژ ١٠ نەخۆشیێن جۆرا و جۆر ھەیە وەکو: پاراستنا ژ پەنجەشێرا پرۆستاتان: ھندەک ڤەکۆلینێن زانستی دوپات دکەن گەلەک پەڕینا زەلامی (٥ جاران د حەفتیێ دا) مەترسیا پەیدابوونا پەنجەشێرا پرۆستاتان ل نک وی کێم دکەت.
سیکس دەرمانێ سەرئێشانێ یە: ل گەل ئەنجامدانا ھەڤبەندیا سیکسی و ل گەل دەلیڤا گەھشتنا خۆشیێ لەشێ مرۆڤی ھورمۆنێ “ئوسیتوسین” بەرددەت، ئەڤە ھورمۆنە ئاستێ “ئەندورفین” بلند دکەت کو یێ نیاسە ب تەناکەرێ ئێشانان و ھاریکاریا لەشێ دکەت بۆ بێھنڤەدانێ.
سیکس بەرھنگاریا خەمۆکیێ دکەت: ئەو ژنێن پتر خۆشیێ ژ سیکسی دبینن و بەردەوام پتر د ئارامن و خەمۆکی کێم ل نک پەیدا دبیت و جەستە و دەروونێ وان تەناترە. ھەروەسا سیکس یێ ھاریکارە بۆ خەوەکا خۆشتر و دودلیێ سڤک دکەت.
سیکس مرۆڤ گەنج دھێلیت: سیکس ئێک ژ وان پێکھاتێن سەرەکیە کو مرۆڤ ١٠ سالان بچووکتر دیار بکەت، ئەڤە گەلەک ڤەکۆلینان بنەجھکریە.
سیکس مرۆڤی ژ میزبەربوونێ دپارێزیت: ل نک ژنان دەمێ ھەڤبەندیا سیکسی یا رێکخستی بیت، ساخلەمیا کماخان باشتر لێدکەت و د ئەنجام دا مەترسیا میزبەربوونێ یا گرێدای عەمری کێم دکەت.
سیکس گیانی ساخلەم دکەت: ئەنجامدانا ھەڤبەندیا سیکسی ژێدەرێ خۆشیێ یە د ژیانێ دا، خۆشیەکە مرۆڤ ددەت و وەردگریت و پشکداریێ تێدا دکەت، پێدڤیەکە بۆ لەشی و دلی و گیانی و وزەیا مرۆڤی تژی دکەت، رێیەکە بۆ ھەڤگەھشتنا ھەموو تام و ھەستان.
سیکس خۆشیێ بۆ مرۆڤی دئینیت: ئەو مرۆڤێن ژلایێ سیکسی ڤە ب ھێز ئەو پتر د کەیفخۆشن د ژیانێ دا (کو گەلەک بۆ کوئەندامێ بەرھنگاریێ یا باشە) و کێمتر تووشی خەمۆکیێ دبن.
سیکس ناھێلیت مرۆڤ تووشی کەرخینێ ببیت: کێمیا نڤستنێ کارتێکرنەکا نەرێنی ل سەر ژیانا مە ھەیە، بۆ بەرھنگاریا کەرخینێ، شارەزا شیرەتان دکەن خوە ژ مەیێ و کافیینێ دوور بکەن، کێم بەرێخوە بدەنە تەلەڤزیۆنێ و بەری نڤستنێ سەرێ خوە بشۆن، ھەڤبەندیا سیکسی ژی ل گەل ڤان کاران نڤستنەکا خۆش و تەنا پەیدا دکەت، زەلام ئێکسەر پشتی ھەڤبەندیا سیکسی دنڤن، و ئەو کەرستێن ل گەل ھەڤبەندیا سیکسی دەردکەڤن وەکو تەناکەرن بۆ ژنێ.
سیکس مرۆڤی ژ نەخۆشیێن پیستی دپارێزیت: ئەنجامدانا ھەڤبەندیا سیکسی ب بەردەوامی “لەھیەکا” ھورمۆنان د لەشی دا بەرددەت کو ناڤێ وان ھورمۆنێن کەیفخۆشیێ نە، و ھورمۆنێ “تیستوستیرۆن” ل گەل وان دەردکەڤیت، ئەڤ ھورمۆنە ل گەل بۆرینا عەمری کێم دبیت، ئەڤ ھورمۆنە رۆلەکێ گرنگ بۆ پاراستنا ھەستی و زەپلەکان دبینیت زێدەباری وی دیمەنێ بەشوش یێ ددەتە سەروسیمایێ مرۆڤی و پیستێ مرۆڤی جوان و زەلال دکەت.
سیکس بەرھنگاریا پەنجەشێرا مەمکی دکەت: خۆشی رێگرە بۆ دەرکەفتنا پەنجەشێرا مەمکی. ڤەکۆلینەکا ئوسترالی دوپات دکەت کو یاریکرن ب مەمکێ ژنێ دبیتە ئەگەر ھورمۆنێ “ئوسیتوسین” ب شێوەکێ بەرفرەە دەرکەڤیت، کو شێوازەکێ بەرھنگاریێ ددەتە لەشی بۆ بەرسینگرتنا ڤان جۆرە پەنجەشێران.

کۆمێنتا تە