شڤان عه‌بدی: چو ره‌نگان مایتیكرن د كارێ‌ راهێنه‌ران دا نه‌هاتیه‌ كرن

شڤان عه‌بدی: چو ره‌نگان مایتیكرن د كارێ‌ راهێنه‌ران دا نه‌هاتیه‌ كرن

4

زاخۆ،عه‌لی حاجی:

د داخویانیه‌كێ‌ دا سه‌رپه‌رشتێ‌ تیما ته‌پا پێ‌ یا زاخۆ بۆ رۆژناما ئه‌ڤرۆ دیاركر كو ب چو ره‌نگان مایتیكرن د كارێن راهێنه‌ران دا نه‌كرینه‌ و باوه‌ری ب راهێنه‌رێ‌ خوه‌ یێ‌ نوو هه‌یه‌ ژبۆ بڕێڤه‌برنا تیما مه‌ د خولا پلا نایابا عیراقێ‌ دا.

زێده‌تر شڤان عه‌بدی گۆت: هنده‌ك ره‌خنه‌ ل ده‌سته‌كا كارگێریێ‌ دهێته‌ گرتن كو مایتیكرنێ‌ و  گوهۆرینان د راهێنه‌رێن خوه‌ دا دكه‌ن هه‌رچه‌نده‌ هه‌ر بڕیاره‌كا دهێته‌ دان بۆ به‌رژه‌وه‌ندیا تیمێ‌ یه‌ لێ‌ د راستی ژی دا راهێنه‌ر ئه‌حمه‌د سه‌له‌حی تیم ب جه هێلابوو و ئه‌م ڕه‌دكه‌ین كو مه‌ مایتیكرن د كارێ‌ راهێنه‌رێ‌ دویێ‌ سامی به‌حتی كربیت و هه‌كه‌ راهێنه‌ر خودان كه‌سایه‌تی بیت رێكێ‌ ناده‌ته‌ كارگێریێ‌ مایێ‌ خوه‌ د كاروبارێن وی دا بكه‌ت لێ‌ دیاربوو كو ئه‌ڤ راهێنه‌ره‌ ئه‌و شیان نه‌بوون ئارمانجێن مه‌ بجه بینیت و هه‌تا یاریزان ژی ل گه‌ل ئارام نه‌بوون و خواندنا وی د یاریان دا نه‌ یا دروست بوو له‌ورا  بزه‌حمه‌ت بوو به‌رده‌وامیێ‌ بده‌ته‌ تیمێ‌.

ژلایه‌كێ‌ دیڤه‌ ناڤهاتی ئه‌و چه‌نده‌ ژی خویاكر راهێنه‌رێ‌ نوو عه‌بدولوه‌هاب ئه‌بولهێل ده‌مه‌كێ‌ هه‌ستیار دا هاتیه‌ و ده‌مێ‌ دروست ل به‌ر ده‌ست نینه‌ لێ‌ ئه‌ڤه‌ نابیته‌ بهانه‌ ژبه‌ركو پێدڤی یه‌ تیمێ‌ به‌رهه‌ڤ بكه‌ت بۆ یاریێن خولێ‌ و جاما عیراقێ‌، بۆ یاریا هه‌مبه‌ری زه‌ورا نێزكی هه‌شت رۆژ ماینه‌ ل به‌رده‌ستێ‌ راهێنه‌ری یه‌ كو بشێت به‌رهه‌ڤیێن باش بكه‌ن هه‌روه‌سا پێدڤی یه‌ جه‌ماوه‌ر بهێنفره‌ه بیت پێخه‌مه‌ت بشێن رێزێن باش د خول  و جامێ‌ دا ب ده‌ستخوه‌ڤه‌ بینین و دووماهیا ڤێ‌ هه‌یڤێ‌ ژڤانێ‌ یاریا مه‌ یا جاما عیراقێ‌ ل گه‌ل جه‌ویه‌ هێته‌ دیاركرن و هه‌موو ئارمانجا مه‌ ده‌ربازبوونه‌.

کۆمێنتا تە