شڤان عه‌بدی: گه‌هشتنا تیما مه‌ بۆ چارێك دووماهیا قاره‌مانیێ‌ ده‌ستكه‌ڤته‌

شڤان عه‌بدی: گه‌هشتنا تیما مه‌ بۆ چارێك دووماهیا قاره‌مانیێ‌ ده‌ستكه‌ڤته‌

5

عه‌لی حاجی :

د داخویانیه‌كێ‌ دا سه‌رپه‌رشتێ‌ تیما ته‌پاپێی یا زاخۆ بۆ رۆژناما ئه‌ڤرۆ دیاركر ده‌ركه‌ڤتنا تیما وان ژ كوپا ئیراقێ‌ یا ته‌پاپێی یا ب ئێش بوو لێ‌ ئه‌و ب ده‌ستكه‌ڤت دبینن كو گه‌هشتینه‌ قۆناغا چارێك دووماهییا قاره‌مانیێ‌.

زێده‌تر شڤان عه‌بدی گۆت: یاریا مه‌ هه‌مبه‌ری جه‌ویه‌ یا گرنگ و مێژوویی بوو و ئاستێ‌ تیمێ‌ گه‌له‌ك ژ یا مێڤانێن مه‌ لێ‌ ئه‌ڤه‌ ته‌پاپێی یه‌ و لێدانێن په‌نه‌لتیانێ‌ ئه‌نجام ئێكلاكر و ده‌ركه‌فتنا تیمێ‌ ژ كوپا ئێراقێ‌ ب ئێش بوو ژبه‌ركو ده‌لیڤه‌كا باش یا ده‌ربازبوونێ‌ ل پێشیا مه‌ بوو و هه‌موو كار ژی هاتبوو كرنێ‌ و هه‌ر تشته‌كێ‌ پێدڤی بۆ یاریزانان به‌رهه‌ڤكربوو ژوانا مووچه‌یێ‌ وان پێشوه‌خت هاتبوو پارڤه‌كرن پێخه‌مه‌ت به‌رهه‌ڤیێن ده‌رونی و ئاستی، سه‌رباری ژ ده‌ستدانێ‌ لێ‌ ئه‌م گه‌هشتنا تیما خوه‌ بۆ قۆناغا چارێك دووماهیێ‌ ب ده‌ستكه‌فت  دبینن.

ژلایه‌كێ‌ دیڤه‌ ناڤهاتی دیاركر كو ره‌وشا تیما ئه‌وان یا باشه‌ و ئه‌و دێ‌ هه‌موو بزاڤان كه‌ن د حه‌فت یاریێن مایی ژ خولا پلا نایابا ئیراقێ‌ ئه‌نجامێن باشتر ب ده‌ستخوه‌ڤه‌ بینن و گوت: هه‌رچه‌نده‌ مه‌ مانا خوه‌ د خولێ‌ دا مسوگه‌ركریه‌ لێ‌ ئه‌م تیما خوه‌ ژ هه‌ژی رێزه‌كا باشتر دبینن و هه‌موو بزاڤێن مه‌ ئه‌ون مفایی ژ یاریێن بهێت بكه‌ین و خالێن خوه‌ زێده‌كه‌ین بۆ رێزێن پێشیێ‌ و هه‌روه‌سا هزر د وه‌رزێ‌ بهێت دا بكه‌ین و چاوانیا به‌رهه‌ڤیه‌كا جودا و باشتر ژ یا وه‌رزێ‌ ئه‌ڤ ساله‌ و ب هیڤی نه‌ ئه‌وا پلانێن مه‌ هه‌ین بشێن بۆ ناڤێ‌ زاخۆ بهێز بهێنه‌ دناڤ چالاكیێن ته‌پا پێی دا.

کۆمێنتا تە