شڤان: من دیاریه‌ك بۆ جه‌ژنا ره‌مه‌زانا پیرۆز هه‌یه‌

شڤان: من دیاریه‌ك بۆ جه‌ژنا ره‌مه‌زانا پیرۆز هه‌یه‌

14

ئه‌ڤرۆ، هه‌رهین محه‌مه‌د:

سترانبێژێ‌ گه‌نج شڤان دۆسكی د دیداره‌كێ‌ دا بۆ به‌رپه‌رێ‌ هونه‌ری یێ‌ رۆژناما ئه‌ڤرۆ دیار كر كو نوكه‌ ئه‌و مژوولی كلیپه‌كێ‌ یه‌ ب ناڤێ‌ (لاوێ‌ حه‌مه‌ی) پرۆجێكت (كێرهات ته‌حلاڤی) میكس و ماسترینگ (محه‌مه‌د بامه‌رنی) سولو (بابێ‌ هونه‌ری) كو دێ‌ ل جه‌ژنا ره‌مه‌زانا پیرۆز بۆ هه‌موو حه‌ز ژێكه‌رێن ده‌نگێ‌ خوه‌ كه‌ته‌ دیاری.

ناڤهاتی زێده‌تر گۆت: سترانبێژێن مه‌ یێن نوكه‌ هه‌موویان ئێك ستایل گرتیه‌ و نزانم بۆچی، به‌لێ‌ ئه‌ز هێدی هێدی خوه‌ ژ وی ستایلی دوور دكه‌م و خوه‌ ب فلكلۆری ڤه‌ گرێده‌م، له‌ورا دبێژمه‌ وان سترانبێژان یێ‌ ژنوی دهێنه‌ د مه‌یدانا ستران گۆتنێ‌ دا فلكلۆره‌كێ‌ باش بۆ خوه‌ بگرن و تشته‌كێ‌ جوان پێشكێش بكه‌ن خوه‌ ژ زارڤه‌كرنێ‌ دوور بكه‌ن و پشت راستم ستایلێن نوو زووكا دمرن، چونكو كارێن مرۆڤ له‌زێ‌ تێدا بكه‌ت بتنێ‌ دی بۆ چه‌ند رۆژان بیت و بلا سالێ‌ مرۆڤی چه‌ند كلیپه‌ك هه‌بن، به‌لێ‌ تشته‌كێ‌ گه‌له‌كێ‌ جوان بیت خه‌لك یێ‌ ژێ‌ رازی بیت و ئه‌ڤ چه‌نده‌ ژ هه‌موویان گرنگ تره‌.

شڤانی گۆت: من و هونه‌رمه‌ند ئایسه‌ل بوراك سترانه‌كا دوقۆلی چێكر و هه‌تا راده‌كێ‌ باش ده‌نگ ڤه‌ دا ئه‌و ناما فمن گه‌له‌ك تشت یێن تێدا و هێشتا ئه‌و نامه‌ من هه‌موو نه‌خواندیه‌ كو من نیشا حه‌زژێكه‌رێن خوه‌ دابی، به‌لێ‌ ب ئانه‌هیا خودێ‌ نه‌گه‌له‌ك دوور دێ‌ بمه‌ خودانێ‌ وێ‌ نامێ‌ ب گه‌هینم.

کۆمێنتا تە