عەدنان زورفی بزاڤێن رازیکرنا کوردان دکەت

عەدنان زورفی بزاڤێن رازیکرنا کوردان دکەت

164

ئەڤرۆ نیۆز، قائید میرۆ:

چەند رۆژەک ل ھەمبەر بەربژێرێ راسپاردی ماینە بۆ پێک ئینانا کابینا حوکمەتا عێراقێ و بسپۆرەکژی دبێژیت، عەدنان زورفی یێ بزاڤا رازیکرنا کوردان دکەت.

دکتۆر سەباح سوبحی، بسپۆرێ زانستێن سیاسی بۆ ئەڤرۆ نیۆز دیارکر”ئەزموونا پشتی پڕۆسا ئازادیا عێراقێ ئەف چەندە سەلماندیە، کو ھەر حوکمەتەکا ل عێراقێ کورد پشتەڤانیێ نەکەن سەرناکەڤیت، دبیت بشێن حوکمەتا عێراقێ بێی کوردان پێک بینن، بەلێ یا سەرکەفتی نابیت، مەدیت ھەلویستێ کوردان ھەمبەر محەمە تەوفیق عەلاوی بۆ پێک ئینانا کابینا حوکمەتا نوویا عێراقێ، لەوڕا ژی نوکە بەربژێرێ راسپاردی بۆ سەرۆک وەزیرێن عێراقێ عەدنان زورفی ئەف چەندە بەرچاف وەرگرتیە.

ئەڤی بسپۆرێ زانستێن سیاسی ئاماژەکر” عەدنان زورفی یێ بزاڤێن رازیکرنا کوردان دکەت بۆ پشتەڤانیکرنا خوە، بتایبەتی ھندەک ھێزێن سیاسی یێن شیعە پشتەڤانیا نافبری ناکەن و ھاتیە رەتکرن.

دکتۆر سەباح سوبحی گۆتژی” ھەرێما کوردستانێ وەک کیانەکێ دستووری چەندین ئاریشە دگەل بەغدا ھەنە، ئەرکێ ھەموو لایەنێن سیاسیە بێی بکار ئینانا بەرژەوەندیێن حزبی و ئاریشەیێن نافخۆ ئێک دەنگ بن ھەمبەر بدەستڤە ئینانا مافێن خەلکێ کوردستانێ ل بەغدا.

کۆمێنتا تە