فره‌نسا ل دۆر چالاكیێن گرۆپێن توندره‌و هۆشداریێ دده‌ت

فره‌نسا ل دۆر چالاكیێن گرۆپێن توندره‌و هۆشداریێ دده‌ت

7

ئه‌ڤرۆ:

چه‌ندین ئه‌ندامێن په‌رله‌مانێ فره‌نسا د نامه‌كا تایبه‌ت دا بۆ سه‌رۆك كۆمارێ وی وه‌لاتی دیار كرینه‌ كو چالاكیێن گرۆپێن توندره‌و ل فره‌نسا ب ره‌نگه‌كێ به‌رچاڤ زێده‌ بووینه‌ و دڤێت رێگری ل چالاكیێن وان بهێته‌ كرن هه‌كه‌ ره‌وش وه‌كو نها به‌رده‌وام بیت دێ ئه‌و یه‌ك بیته‌ ئه‌گه‌رێ ئالۆزیێن نوو ل فره‌نسا.

ئه‌و یه‌ك د ده‌مه‌كێ دایه‌ كو چه‌ند رۆژان به‌ری نها چه‌ندین ده‌زگه‌هێن راگه‌هاندنا ئورۆپا دیار كرن كو گرۆپێن هشكباوه‌رێن ئیسلامی و گرۆپێن دی یێن توندره‌و چالاكیێن خوه‌ ل پرانیا وه‌لاتێن ئورۆپا ب تایبه‌تی ژی ل ئه‌لمانیا و فره‌نسا زێده‌تر كرینه‌ و ئه‌و یه‌ك ژی مه‌ترسیا خوه‌ بۆ پاشه‌رۆژا وان هه‌ر دو وه‌لاتان و هه‌موو ئورۆپا هه‌یه‌ و دڤێت ب رێیا هنده‌ك قانوونان و پێرابوونێن نوو رێگری ل چالاكیێن گرۆپێن هشكباوه‌ر بهێته‌ كرن.

مه‌ها بۆری چه‌ندین جه‌نه‌رالێن فره‌نسی ژی دیار كربوون كو هه‌كه‌ رێگری ل چالاكیێن گرۆپێن هشكباوه‌ر نه‌هێته‌ كرن دێ فره‌نسا تووشی شه‌ره‌كێ ناڤخوه‌یی بیت، چونكو هنده‌ك وه‌لاتێن جیهانێ ب تایبه‌تی ژی روسیا دخوازن گرۆپێن هشكباوه‌ر ل دژی وه‌لاتێن ئورۆپا ب تایبه‌تی ژی ئه‌لمانیا و فره‌نسا بكار بینن.

کۆمێنتا تە