فلمه‌كێ‌ كوردی دو خه‌لات ل مۆسكۆ وه‌رگرتن

فلمه‌كێ‌ كوردی دو خه‌لات ل مۆسكۆ وه‌رگرتن

4

دهۆك، زنار تۆڤی:

ده‌رهێنه‌ر هۆگر هرۆری، كو نوكه‌ ل وه‌لاتێ‌ سوید دژیت، بۆ رۆژناما ئه‌ڤرۆ دیاركر، فلمێ‌ دكیۆمێنتاری(سه‌بایا) كو ژ ده‌رهێنانا وی یه‌ و 91 خوله‌كان یێ‌ درێژه‌، بۆ جارا ئێكێ‌ ڤی فلمی پشكداری د فلمه‌ فیسته‌ڤالا سانس دانس ل وه‌لاتێ‌ ئه‌مریكا دا كریه‌، كو فیسته‌ڤاله‌كا هه‌ره‌ ناڤداره‌ ل وی وه‌لاتی و خه‌لاتێ‌ باشترین ده‌رهێنه‌ر بۆ فلمێن دكیۆمێنتاری یێن جیهانی وه‌رگرتییه‌.

ناڤهاتی گۆت: ناڤه‌رۆكا فلمی ل دۆر خه‌باتا دو ئه‌ندامێن مالا ئێزدیانه‌ ل رۆژئاڤایێ‌ كوردستانێ‌، كو ئێك ژ وان مه‌حموده‌ و یێ‌ دی شێخ زیاده‌، كو وان خۆبه‌خش كار كریه‌ و كارێ‌ وان ئه‌و بوو، دچوون ژن و كچێن ئێزدی یێن ل ژێر ده‌ستێ‌ دا رزگار دكرن و دگه‌هاندنه‌ دناڤا كه‌سوكارێن وان دا، نوكه‌ ژی ئه‌ڤ فلمێ‌ دكیۆمێنتاری یێ‌ پشكداره‌ د چه‌ندین فلمه‌ فیسته‌ڤالێن جیهانی دا، هه‌روه‌سا ل ڤان رۆژێن بۆری ڤی فلمی خه‌لاتێ‌ باشترین ده‌رهێنه‌ر و باشترین فلم ل فلمه‌ فیسته‌ڤالا مۆسكۆ یا نێڤده‌وله‌تی وه‌رگرتییه‌، و وه‌رگرتنا ڤان خه‌لاتان د بیته‌ پشته‌ڤانیه‌كا مه‌زن بۆ مه‌، كو ئه‌م بشێین به‌رهه‌مێن گه‌له‌ك باشتر د بۆارێ‌ سینه‌مایێ‌ دا ئه‌نجام بده‌ین

کۆمێنتا تە