كازمی داخوازا كۆمبوونا فه‌رماندێن له‌شكری و پێشمه‌رگه‌ی دكه‌ت

كازمی داخوازا كۆمبوونا فه‌رماندێن له‌شكری و پێشمه‌رگه‌ی دكه‌ت

ئه‌ندامه‌كێ لژنا ئاسایش و به‌رگریێ ل جڤاتا نوونه‌رێن عیراقێ راگه‌هاند، فه‌رماندێ گشتیێ هێزێن چه‌كدار ل عیراقێ، داخوازا كۆمبوونا فه‌رماندێن له‌شكرێ عیراقێ و پێشمه‌رگه‌ی كریه‌.

به‌در زیادی، ئه‌ندامێ لژنا ئاسایش و به‌رگریێ ل جڤاتا نوونه‌رێن عیراقێ گۆت” روودانێن ئه‌منی یێن ڤێ دووماهیێ د مه‌ترسیدارن، چونكه‌ هاڤێتنا مووشه‌كان و ئاراسته‌كرنا فرۆكێن بێ فرۆكه‌ڤان زێده‌ یا سه‌رهلدای”.

زیادی دیاركر ژی” مسته‌فا كازمی، سه‌رۆكێ وه‌زیران و فه‌رماندێ گشتیێ هێزێن چه‌كدارێن عیراقێ داخوازا كۆمبوونه‌كا سیاسی یا به‌رفرهه‌ ل به‌غدا كریه‌ ب پشكداریا هه‌موو سه‌ركردێن عیراقی یێن بلند”.

هه‌روه‌سا ئاماژه‌ كر، كازمی داخواز كریه‌ ژی كو پشتی كۆمبوونا سیاسی یا بلند، كۆمبوونه‌كا فه‌رماندێن له‌شكری و ئه‌منی ب پشكداریا فه‌رماندێن هێزێن پێشمه‌رگێ كوردستانێ ژی بهێته‌ ئه‌نجامدان.

ل دووڤ داخۆیانیێن به‌در زیادی، ئارمانج ژ كۆمبوونا له‌شكری و ئه‌منی، دانانا پلانه‌كا نوویه‌ بۆ پاراستنا سه‌قامگیریا عیراقێ.

کۆمێنتا تە