كازمی پشكداریێ د هه‌لبژارتنان دا ناكه‌ت

كازمی پشكداریێ د هه‌لبژارتنان دا ناكه‌ت

14

ژێده‌ره‌كێ نێزیك ژ مسته‌فا كازمی، سه‌رۆك وه‌زیرێن عیراقێ، ئاشكراكر هه‌ردو ره‌وتێن (مه‌رحه‌له‌) و (ئیزدهار) یێن ب سه‌ر كازمی ڤه‌، پشكداریێ د هه‌لبژارتنێن پێشوه‌خت یێن جڤاتا نوونه‌رێن عیراقی ناكه‌ن كو بریاره‌ ل هه‌یڤا چریا ئێكێ یا داهاتی بهێنه‌ ئه‌نجدامدان.

وی ژێده‌رێ نێزیك ژ كازمی بۆ سایتێ (روسیا الیوم) راگه‌هاند” بریار ژلایێ وان هه‌ردو ره‌وتێن سیاسی هاتیه‌ دان كو پشكداریێ د هه‌لبژارتنێن جڤاتا نوونه‌رێن عیراقێ دا نه‌كه‌ن، كو ئه‌و هه‌ردو ره‌وته‌ ژلایێ كه‌سایه‌تیێن نێزیك ژ كازمی دهێنه‌ ب رێڤه‌برن”.

دیاركر ژی” هه‌ردو ره‌وتێن ناڤبری دێ د به‌رده‌وام بن ل سه‌ر كارێن خوه‌ یێن سیاسی و و دێ پشته‌ڤانیێ ل به‌ربژارێن سه‌ربخوه‌ كه‌ن ل هه‌لبژارتنێن پێشوه‌خت یێن جڤاتا نوونه‌رێن عیراقێ، هه‌روه‌سا دێ هزر د پشكداریێ د هه‌لبژارتنێن پشتی چار سالان دهێنه‌ كرن دا كه‌ن”.

ل دۆر ئه‌گه‌رێن نه‌ پشكداریا وان هه‌ردو كازمی و هه‌ردو ره‌وتێن سیاسی یێن ب سه‌ر وی ڤه‌، وی ژێده‌ری دیاركر” ئه‌و بریاره‌ هاتیه‌ دان ژ ئه‌گه‌رێ مه‌رجێن سیاسی یێن به‌ری نوكه‌ كو كازمی گه‌هاندینه‌ پۆستێ سه‌رۆكایه‌تیا وه‌زیران و پێگیریێن وی ل گه‌ل لایه‌نێن سیاسی”.

ژلایه‌كێ دی ڤه‌ ژێده‌ره‌كێ سیاسی یێ ئاگه‌هدار ئاماژه‌كر كو كازمی بریار دایه‌ پشكداریێ د هه‌لبژارتنێن پێشوه‌خت یێن جڤاتا نوونه‌رێن عیراقی دا نه‌كه‌ت، وی ژێده‌ری ئه‌ڤ بریارا كازمی زڤراند (ل دویڤ بۆچوونا وی) بۆ شكه‌ستنا حوكمه‌تا كازمی و نه‌ بجهئینانا سۆزێن خوه‌ و كاخه‌زا وی یا سیاسی ژی ل جادا عیراقی هاتیه‌ سوتن ژبه‌ر لاوازیا وی ل به‌رده‌م سه‌رپێچیێن میلیشیێن چه‌كدار ل سه‌ر سه‌روه‌ریا وه‌لاتی و هاولاتیان.

کۆمێنتا تە