لاڤان محەمەد: خوشترین وەرزێ ژیانا من یا وەرزشی ئەڤ سالە بوو

لاڤان محەمەد: خوشترین وەرزێ ژیانا من یا وەرزشی ئەڤ سالە بوو

5

ئەڤرۆ، زنار زوبێر:

یاریزانا ستێرا ئافرەتێن دھۆکێ و گۆلکارا خولا کوردستانێ یا فۆتسالا کچان بۆ یانێن پلا نایاب بتومارکرنا(٣٦) گۆلان دیارکر وەرزێ ئەڤ سالە ژ سالێن بوری بھێزتربوو دیسان ب ھاریکاریا ھەڤالێن خوە شیا بیتە گۆلکارا خولێ.

زێدەتر لاڤان محەمەد د دیدارەکا تایبەت دا بۆ رۆژناما ئەڤرۆ گۆت: دەستڤەئینانا ناسناڤێ خولا ھەرێما کوردستانێ ل گەل ئافرەتێن دھۆک ب ساناھی نەبوو ژبەرکو ھەڤرکیەکا بھێز دناڤبەرا یانێن پشکدار دا ھەبوو لێ زێدەباری ھێزا تیما مە ئێکگرتنا تیمێ و کارگێریا یانێ بوویە ئەگەر ناسناڤێ خولێ دەستڤەبینین لەورا وەرزێ ئەڤ سالە خوشترین وەرزبوو د ژیانا من یا وەرزشی دا.

لدور چونا وێ بۆ یانا جەویە ناڤھاتی گۆت: چونا من بوو خولا عیراقێ و یانا جەویە بشێوازێ خواستنە ھەتا وەرز ب دووماھی بھێت ھیڤیا من ئەوە بشێم ناسناڤێ خولا عیراقێ ژی بدەستڤەبینم ژبەرکو ئەو ژی ئێک ژ بھێزترین تیمانە، نوکە خولا عیراقێ ھێزا وێ د یاریزانێن کورد دایە و ھەکە پشکداریێ نەکەن ھەتا رادەیەکێ مەزن ئاستێ ھونەری یێ تیما لاوازبیت.

ل دووماھیێ لاڤانێ دەربارەی وەرزێ بھێت گۆت: نوکە یاریزانا ئافرەتێن دھۆکێ مە و بۆ سالا بھێت ژی بەردەوام بم ل گەل یانێ ژبەرکو پەیوەندیێن من یێن کەسوکی بھێز ل گەل سەروک، جێگر و ئەندامێن یانێ کو وەکریە حەژێکرنا من بۆ یانێ زێدەتر بیت زێدەباری ڤێ چەندێ ژی یانا ئافرەتێن دھۆک ب مالا خوە یا وەرزشی دزانم.

کۆمێنتا تە