لژنا پیشەسازی ل پارێزگەهێ پرۆژێن پازدە کارگەهێن نوو ل پارێزگەها دهۆکێ پەسەند...

لژنا پیشەسازی ل پارێزگەهێ پرۆژێن پازدە کارگەهێن نوو ل پارێزگەها دهۆکێ پەسەند کرن

ئەڤرۆ، “د. عەلی تەتەر” پارێزگارێ دهۆکێ، سەرپەرشتیا کۆمبوونا لژنا پیشەسازی کر و پرۆژێن پازدە کارگەهێن نوو ل سنورێ هەموو دەڤەرداریێن پارێزگەها دهۆکێ پەسەند کرن.
د کۆمبوونێدا پرۆژێن وان کارگەهان هەلسەنگاندن و دانوستاندن ل دۆر هاتەکرن و پشتی وەرگرتنا تێبینی و پێشنیاران پرۆژێ پازدە کارگەهان د وارێ بەرهەمئینانا هەیکەلێن ئاسنی یێن نۆرمال و نەخشاندی، بەرهەمئینانا مەعکەرونان، بەرهەمئینانا بەرێ پیشەسازی، چاپککرن و دروستکرنا تەلیسان، درینا هەموو جۆرێن جلوبەرگا، کارگەها بویاغێ، کارگەها ویستگەهێن چارەکرنا سیستەمێ ئاڤێ، کارگەها درۆستکرنا زەیتا زەیتونان، دروستکرنا دەرمانێن گیایی، کارگەها دوشاڤا تەماتێ، کارگەها خزمەتگۆزاریێن پیشەسازیا ترۆمبێلان و تێکەلۆکەکا ناڤەندی هاتنە پەسەندکرن کو هەموو دێ ژلایێ سەرمایەدارێن ناڤخویی هێنە دروستکرن و ٥٧٩ کرێکار دڤان کارگەهاندا دێ کارکەن و هەر کارگەهەکێ شیانێن بەرهەمئینانا رۆژانە یێن چەند تەن و دانە و پارچەیان هەیە، دکۆمبوونێدا پارێزگارێ دهۆکێ پشتی پەسەندکرنا پرۆژان داخواز ژ لژنا پیشەسازیی کر کو بەردەوام لدووڤ قانوون و رێنمایان ئاسانکاریان بکەن و روتینێ کێم بکەن ژبو هندێ بەرهەمێ خۆمالی ببیتە پیشەسازیی و پێشڤەچوونێ ب خوەڤە ب بینیت.

کۆمێنتا تە