ل سالا بهێت دێ ده‌ستان ژ کارێ سیاسه‌تێ به‌رده‌ت

ل سالا بهێت دێ ده‌ستان ژ کارێ سیاسه‌تێ به‌رده‌ت

35

 

ئەڤرۆ نیوز:

د کۆمبوونا چارشەمبێ یا حکومەتا ئەلمانیا دا، بڕیار هاته‌دان ل سەر ئەنجامدانا هەلبژارتنێن گشتی بۆ دەست نیشانکرنا کەسه‌كێ نوو وەکو راوێژکارێ ئەلمانیا، داكو ببیته‌ جهگرێ مێركلێ.

ئه‌ڤه‌ 15 ساله‌ ئەنگێلا مێكل راوێژکارا ئەلمانیا یە و هه‌تا ئیلۆنا 2021، دێ شازده‌ سالان ل ئۆفیسا راوێژکاریا حکومەتا ئەلمانیا تەمام كه‌ت، ئه‌لمانى دبێژن، ده‌مێ مێرکل بوویه‌ راوێژکارا ئەلمانیا هێشتا تۆرا جڤاكى یا یوتیۆبێ نەبوو، بازارێ مۆبایلان ژى ژ ئالیێ نۆکیا ڤە هاتبوو داگیر کرن.

په‌یڤدارا حکومەتا ئەلمانیا دیار كریه‌، ده‌ست به‌ردانا مێركلێ ژ سیاسه‌تێ بۆ ئه‌لمانیا دێ تشته‌كێ نوو بیت و ئەو وه‌لاته‌ دێ چیته‌ قۆناغه‌كا نوو یا سیاسه‌تێ.
مارتینا فیتز گۆتیه‌ ژى، ئەندامێن کابینا حکومەتێ رازیبوون ل سەر دەستنیشانکرنا 21ی ئیلۆنا 2021 بۆ ئەنجامدانا هەڵبژارتنێن گشتی و نوكه‌ بوویە پێشنیار و دێ ڤێ چه‌ندێ ئیخنه‌ به‌ر ده‌ستێ فرانک ڤاڵتەر شتاینمایەر بۆ هندێ پەسه‌ند بکه‌ت.

ئارمین لاشێت، سەرۆکوەزیرێن هەرێما نۆرت راین ڤێستڤالن، چانسه‌كێ مه‌زن هه‌یه‌ وه‌كو سه‌ركردێ وێ پارتیێ بهێته‌ ده‌ست نیشان كرن، دیسان هەر ئێك ژ فریریش مێرتز، پاریزەر و نۆربێرت رۆتگن، شارەزایێ کاروبارێن ده‌رڤه‌ هه‌ڤركیێ دکەن.

کۆمێنتا تە