مان ستی و سانجێرمان دیدارا ئێكلاكرنێ‌ بۆ دووماهیا چامپیونزێ‌

مان ستی و سانجێرمان دیدارا ئێكلاكرنێ‌ بۆ دووماهیا چامپیونزێ‌

5

ئه‌ڤرۆ،

چاڤه‌ڕێ‌ یه‌ ئه‌ڤرۆ ده‌مژمێر 10ێ‌ شه‌ڤ ل یاریگه‌ها ئیتحاد دیداره‌كا ئاگرین و هه‌ڤڕكی دناڤبه‌را خودانێن ئه‌ردی مانچسته‌ر ستی یا ئنگلێزی و مێڤانا وێ‌ پاریس سانجێرمان یا فره‌نسی  ژ چارچووڤێ‌ یاریا هاتنێ‌ یا پێش دووماهیا قاره‌مانیا یانێن ئورۆپا چامپێونز لیگ ئه‌وا دێ‌ ژلایێ‌ دادڤانێ‌ هۆله‌ندی بیورن كۆبیرس هێته‌ بڕێڤه‌برن.

د یاریا ئێكێ‌ دا یانا ئنگلێزی پێنگاڤه‌كا باش ب سه‌ركه‌فتیانه‌ هاڤێژت بوو پشتی ب دو گۆلان به‌رامبه‌ر گۆله‌كێ‌ پێشكه‌فتی لسه‌ر یانا پاریسێ‌ لێ‌ یاریا ئه‌ڤرۆ بۆ پلێتا یاریا دووماهیێ‌ دێ‌ ئێكلاكه‌ر بیت، تیما مێڤان ئه‌وا دێ‌ ب هه‌موو هێزا خوه‌ هێته‌ دناڤ یاریا چاره‌نڤیس و مێژوویی دا، سه‌رباری هنگاڤتنا سڤك یا كیلیان ممبابی لێ‌ راهێنه‌ر ماوریسیو رژده‌ ب هه‌موو چه‌كێن خوه‌ شه‌ڕی بكه‌ت و ب شاره‌زاهیا ستێرێن خوه‌ نه‌یماری، دی ماریا، فیراتی، فلۆرێنزی، رافینیا و ماركینوسی هێته‌ دناڤ یاریگه‌هێ‌ دا پێخه‌مه‌ت جهئینانا خه‌ونا یانا فره‌نسی بۆ ناسناڤێ‌ چامپیۆنزێ‌، نه‌یمار دا سیلڤا سۆزدا هندی هێز هه‌بیت بۆ 90 خوله‌كێن یاریێ‌ ته‌رخابكه‌ت و گوت: هه‌رچه‌نده‌ دناڤ ئه‌ردێ‌ خوه‌ دا خوساره‌ت بووین لێ‌ ئه‌نجام یێ‌ مه‌زن نینه‌ و دشێن ڤه‌گه‌ڕیێن مه‌ باوه‌ری ب شیانێن خوه‌ هه‌یه‌ و هه‌موو یاریزانا سۆزا دایی، پێنه‌ڤێت تیما مێڤان دێ‌ ئه‌نجامێ‌ یاریا بوری پارێزیت.

ژلایێ‌ خوه‌ڤه‌ راهێنه‌رێ‌ مانچسته‌ر ستی پێب گواردیولا دێ‌ پشتبه‌ست لسه‌ر كۆمه‌كا له‌شكه‌رێ‌ خوه‌ كه‌ت ئه‌وژی سێرجیۆ ئه‌گوێرۆ، كیڤین دی بروین، ریاز محرز، فیل فودین، گۆندۆگان و خیسوس ئه‌وێ‌ دیاركر كو ده‌ربازبوون مسۆگه‌ر نه‌كریه‌ لێ‌ سه‌ركه‌فتنا یاریا ئێكێ‌ هیڤیێن وان گه‌ش كرینه‌ و گوت: هه‌ڤڕكا مه‌ ئێك ژ به‌ربژێرێن یاریا دووماهیێ‌ یه‌، له‌ورا مه‌ كارێ‌ باش كریه‌ و پلانێن تایبه‌ت داناینه‌ و ئه‌م هزر د پاراستنا یاریا بوری دا ناكه‌ین به‌لكۆ دێ‌ بۆ سه‌ركه‌فتنێ‌ یاریێ‌ كه‌ین.

کۆمێنتا تە