مه‌زنترین خرڤه‌بوونا یاریزانێن ئیراقێ‌ ل دهۆكێ‌ هاته‌ كرن

مه‌زنترین خرڤه‌بوونا یاریزانێن ئیراقێ‌ ل دهۆكێ‌ هاته‌ كرن

6

ب پشكداریا زێده‌تری 400 یاریزان و راهێنه‌رێن هه‌موو ده‌ڤه‌رێن ئیراقێ‌ و هه‌رێما كوردستانێ‌ بۆ یاریا كیوكۆ شینگای چه‌ند چالاكیێن جوره‌ و جور ل پارێزگه‌ها دهۆكێ‌ بۆ ماوێ‌ چار رۆژان ڤه‌كێشا ژوانا 30 یاریزانێن دهۆكێ‌ شیان مفایی ژێ‌ وه‌ربگرن.

د داخویانیه‌كێدا جه‌واد محه‌مه‌د سه‌رۆكێ‌ ئێكه‌تیا كیوكۆ شینگای بۆ رۆژناما ئه‌ڤرۆ گوت:بۆ جارا ئێكێ‌ یه‌ ل سه‌ر ئاستێ‌ پارێزگه‌ها دهۆكێ‌ ئێكه‌تیه‌كا وه‌رزشی 465 یاریزان و دادڤانێن كوڕ و كچ ژ هه‌موو ده‌ڤه‌رێن ئیراقێ‌ و كوردستانێ‌ مێڤان بكه‌ت پشتی ئێكه‌تیا ئیراقێ‌ پارێزگه‌ها مه‌ هه‌لبژارتی بۆ دانانا كه‌مپه‌كێ‌ راهێنانێ‌ و رێكخستنا خوله‌كا بلندكرنا كه‌مه‌رێن یاریزان و دیسان بۆ راهێنه‌ران ژوانا 30 یێن باژێرێ‌ دهۆكێ‌ د ناڤ دابوون كو بۆ ماوێ‌ شه‌ش رۆژان بشێوێ‌ زانستی و ئه‌كادیمی ل هۆلا گرتیا چالاكیێن وه‌رزشی دهاتنه‌ كرن.

ناڤهاتی گوت: هه‌رچه‌نده‌ مه‌زاختیێ‌ مێڤانداریا ئه‌ڤێ‌ رێژا یاریزان و راهێنه‌ران ژلایێ‌ ئێكه‌تیا ئیراقێ‌ بوو لێ‌ وه‌كو پارێزگه‌ها دهۆكێ‌ مه‌ ب ده‌لیڤه‌ زانی كو مفایێ‌ ئاستی و هونه‌ری ژێ‌ وه‌ربگرین تایبه‌ت ژلایێ‌ تیوری و پراكتیكی ڤه‌ و یا گرنگ یاریا كیوكۆ شینگای بۆ خه‌لكێ‌ خوه‌ ب ده‌ینه‌ دیاركر كو ئێك ژ یاریێن مه‌زنه‌ ل سه‌ر ئاستێ‌ ئیراقێ‌ و جیهانێ‌ و ڤیانه‌كا تایبه‌ت یا ل ده‌ڤ هه‌یی و شێوازێ‌ یاریێ‌  كو پرانیا لڤینێن ده‌ستی و پێ‌ نه‌ و به‌ره‌ڤانی كرنه‌ ژ خوه‌ ئانكو بۆ هه‌ردوكا یاریزان دشێت دربێ‌ خوه‌ بدانیت.

جه‌واد محه‌مه‌د هیڤی خواست ژ جهێن په‌یوه‌نیدار پشته‌ڤانیێ‌ ل یاریا وان بكه‌ن و گوت: ئه‌ڤه‌ ده‌ه ساله‌ ئه‌م ڤێ‌ یاریێ‌ ئه‌نجامده‌ین و ژماره‌كا باش یا یاریزانان په‌یدابووینه‌ و چه‌ندین پشكداریێن قاره‌مانیا ژی بووینه‌ و چاڤه‌ڕێ‌ دهێته‌ كرن قاره‌مانیێن نێڤده‌وله‌تی ژی پشكداربین.

کۆمێنتا تە